牛牛日式火鍋放題 (北角匯二期) (已結業)

唔知大家有冇試過北角嘅呢間日式火鍋放題🙆🏻‍♀️佢哋係主打一人一鍋，可以自己揀湯底，多選擇又夠晒衛生👍🏻👍🏻嗰日我哋就揀咗蕃茄同埋冬陰功湯底，蕃茄味嗰款味道好濃郁😍打到最後依然充滿蕃茄嘅香甜味！冬陰功嗰款唔算太辣，比較係酸辣嘅嗰種，亦都非常惹味～食得開心上次去就揀咗佢哋嘅LV.3澳洲和牛牛肉放題，只需$318，你就可以盡情食澳洲和牛啦！😆仲有前胸肉同牛小排，啲肉質鮮嫩～唔同種類嘅牛肉都有，仲有澳洲黑安格斯，極上牛舌同西班牙伊比利亞豚肉，種類都算多😆唔會食你食去都係嗰幾隻食到悶～最特別嘅係佢哋嘅榴槤王炸彈，啲榴槤餡一咬就爆，味道超濃郁！😙😙飲品方面都幾多選擇，有啤酒、sake、白酒、紅酒🍷甜品方面有綠茶糯米糍，我自己都食咗好幾粒煙韌好好食，佢哋仲有Movenpick雪糕，雖然得兩款口味不過呢個價錢都算係咁！😍總括黎講，呢間北角嘅日式火鍋放題係真係唔錯～💓