金鶴拉麵 (和富道) (已結業)

今日想食拉麵 行經北角又見到有間拉麵鋪 就決定入去試下！入到去睇餐牌見到拉麵有好多選擇，但最估唔到既係原來入面有串燒食！開頭仲以為淨係得小食同拉麵食！雖然只係拉麵鋪，但呢到既串燒款式都有幾多下，而且仲有好多特別既串燒野食，例如係燒雞肝同明太子雞翼咁，呢啲真係連好多專食串燒既鋪頭都冇，好正！入到黎首先叫左佢地碗招牌拉麵，就係金鶴雞白湯拉麵，而友人就叫左碗鹽味拉麵。上菜好快，叫左冇耐已經黎到，雖然冇叫極濃雞白湯個款拉麵，但呢碗雞白湯都好濃郁，飲落去啖啖雞味，佢啲配菜一樣好正，配麵有好多炸荀，成座山咁高，食落好好食，其他配菜都好唔錯。 試左一啖友人既鹽味拉麵，拉麵湯底清清地，適合鍾意食清湯類既人。既然呢到有串燒，所以都緊係叫左幾串試下。今次總共叫左燒雞肝，雞軟骨，多春魚，同埋豬頸肉。燒雞肝有濃濃既燒汁，同雞肝好夾，其他主要就係落左鹽同黑椒燒，味道相當唔錯！最後叫左個甜品做結尾，甜品係抹茶軟凍，出面沾滿抹茶粉，切開黎睇入面都係抹茶色的，所以食落係濃濃既抹茶味。呢到既食物味道十分唔錯，款式好多，上菜速度亦都好快，而且環境坐得舒服，鋪入面有一面牆係金色，上面又有啲鶴係到，唔怪得叫金鶴拉麵 哈哈。鋪