玄鮨 (已結業)

今日午餐去左玄鰭食個lunch ，上到去基本程序安心出行、量體溫再消毒潔手，時間大約12點前，店內客人不多，我坐近lift 口前餐枱，枱與枱之間很闊落，無擠逼感，坐下來侍應奉上熱茶同毛巾，我點左個北海丼。等左一陣先送來前菜，四樣野，沙律菜、合桃魚仔、明太子豆腐同埋茶碗蒸，味道方面可以但又未至於好突出。之後主菜北海丼出場，又係四樣野，帆立貝、赤蝦、三文魚子同埋海膽。帆立貝比較淋身鮮味稍欠，蝦夠大隻鮮甜、三文魚子夠大粒但稍欠新鮮，因為咬落去扁扁的欠脹滿感，而海膽係鮮甜的。整體來講成個餐都ok 的。