金公館 (康怡廣場北座)

营业中

休息中

早幾日放假，所以過左海搵朋友食飯，因為朋友住太古城果邊，所以由朋友發板食咩啦✌🏻，唔使自己諗食咩係最好架😝😝，朋友話想食呢一間，因為時間仲係好早，所以唔使等位就可以入坐啦，入到去環境舒適，服務員都好好禮貌，1）北京片皮鴨（半隻），比起出邊呢到會多幾款醬汁，平時只係得甜麵醬，但呢到仲有，桂花糖醬、冰梅醬、胡麻醬，每個醬都有唔同嘅味道，但我個人比較喜歡桂花糖醬，偏向清甜及去油膩👍🏻，而且除咗青瓜及京蔥之外，都多左蜜瓜條同西芹絲👍🏻👍🏻，2）百合腰果炒桂花蚌帶子，桂花蚌及帶子好新鮮，好夾口，味道剛剛好，唔錯，3）招牌口水雞（半隻），好香麻辣味，但又不太辣，而雞又唔靱，4）熱情果籠仔蝦球，虾好大隻，又好新鮮，煮到酸酸甜甜好開胃，5）燕京菜膽雲吞雞湯，雲吞好飽滿，雞湯好足料，又唔會好油，好好飲👍🏻👍🏻整體來講值得一試