老北京 (渣甸中心)

营业中

休息中

開始四周圍選購聖誕節禮物，銅鑼灣區shopping 當然最方便不過啦。行到倦倦地決定過去渣甸坊一帶搵食先。餐廳位於樓上店，裝修有老北京中國風味。餐牌款式多樣化，睇到人眼花撩亂，好難選擇！麻辣粉皮粉皮食落感覺有啲似薯粉，口感好彈牙，麻辣味唔算太突出，少少辣，而青瓜咬落爽脆，味道清甜。和菜戴帽（配春餅8張）蛋皮煎得金黃香口，低下有粉絲，菠菜，紅蘿蔔絲，芽菜，雜菌等等既蔬菜，用薄薄既春餅包住吃，春餅口感軟綿，蔬菜絲爽嫩香濃，配埋一齊食非常可口。大蔥豬肉餡餅饀餅外皮香脆，內裏豬肉饀鮮甜多汁，香蔥味令到餡餅多了份香氣，滋味十足。