格格府御膳 (已結業)

最近延禧攻略大熱 身邊嘅女人無論女上司 媽媽 定係朋友都愛上呢套宮廷劇 今日就嚟到呢間位於銅鑼灣嘅格格府 有咩咁特別呢？佢係可以畀你cosplay清朝嘅人 仲有大量頭飾 非常貼心 只要喺度用餐就可以享用呢個玩意 唔需要另外加錢 真係十分之抵食雖然係咁但係食物嘅價錢一啲都唔平 好在味道搭救入到嚟餐廳裝修非常豪華 仲有中國特色 換上一身服飾在喺度影相 勁有feel江南三小碟 有白切雞 雞肉十分嫩滑 而且好夠味涼拌雲耳 雲耳酸酸地 夠曬爽口 食落好開胃黃金大哥蝦球 蝦球勁大粒 師傅將蝦鮮炸好 然後包上用鹹蛋黃做成嘅黃金醬汁 食落口夠乾身 而且蛋黃味濃郁 蝦肉鮮甜好彈牙高湯浸菜苗 菜苗好新鮮係用咗翡翠苗 食落爽口 而且給晒上湯嘅味道好甜 小朋友都愛食醬炒牛肋條 醬汁味偏重 但係牛肋條炆到勁軟淋 唔使咬都食到 而且牛味重