叫得姥姥就係想做家的味道(雖然我唔知姥姥係邊個)，手造拉麵、包點都係幾吸引既賣點
銅鑼灣店半開放式，裝修都雅致，舒服又寬躺，餐牌上海麵食同小菜都有，仲有時令菜式，餐牌好多相好吸引
涼拌青瓜，青青地有手拍有蒜味，雞絲粉皮，粉皮晶凝通透，醬汁都好濃好正
鮮肉小籠包，賣相唔錯，皮厚度適中，唔穿又夠薄，一口爆湯
都好夠味同湯汁，肉香好濃，油份都夠，幾好味五香牛展上海拉麵，賣相相當靚，好有上海拉麵感覺，中式拉麵擺盤，望都見到手拉拉麵既風味
食落好正，麵軟口感滑，有咬口，相當唔錯既拉麵
五香牛展正常，配拉麵幾好食
上海排骨擔擔麵，麵底真心好食無得輸
湯俾想像中好味，濃淡適中，好中意花生味可能唔夠但我個人啱啱好好惹味食到停唔到，上海排骨酥脆，正常味
黃金魚塊有驚喜，上枱已經好香，一咬，外面好濃咸蛋黃味，撈金沙撈得好夠
保持魚肉好嫩，口感好好，味道令人食完想再食
銀絲卷，正正常常
一句講晒上海拉麵必食
包點小菜其實都好味，但拉麵真係要試話說食過其他分店完全唔係依個質素，所以如果你食到另一間分店唔好食就無計銅鑼灣依間就值得返啅
#同店唔同命
#原來咁高質早知食蟹粉
