影片
更多
2009-10-26
19 浏览
食野除咗要好食，服務亦都好緊要，咁至食得開心。不過今次就食得勁勞氣！事源係，我地去到等咗一陣位，跟住個侍應就叫我地入去坐。但行到埋去至知係一個死角位，已經有一對男女對坐著，而旁邊個侍應叫我地坐個張檯就有一堆魚骨晌度，有點嘔心。 當然係唔關個對男女事啦，個侍應至少都應該清理下張檯先叫客人埋去，或者應該話先塞個客埋去（死角位）。 咁跟住好唔好意思咁要麻煩對男女起身咁我地先可以入去。咁坐低咗，餐牌都未睇，個侍應就問我地食乜，咁我地就話可唔可以幫我地抹一抹檯先，然後佢就帶左條勁污蹧嘅檯布番黎係咁意抹兩下就算。個條布就確係有點恐怖，好似好耐冇洗過咁囉。點咗魚頭魚湯米線，女朋友就點咗魚腩米線。到呢一刻我仍然期待食物，因為開飯啲老友話好好食。食物終於嚟喇，先呷啖魚湯先，淡而無味一點魚味都冇，更加唔使講食評所說的香濃！再食一啖魚，更加失望，魚毫無鮮味可言，質地重好似擦子膠咁。我以為係我唔識叫，咁試下女朋友個碗啦，點知都係一樣，着實很失望。食食下重叫我地換檯添，搞到我地都好無耐。其實如果佢係要搭檯，佢地應該叫人坐埋一邊，佢個度已經係細，咁樣叫客人轉來轉去好唔方便。由於對佢嘅食物，服務和衛生都不滿意，絕對
不過今次就食得勁勞氣！事源係，我地去到等咗一陣位，跟住個侍應就叫我地入去坐。但行到埋去至知係一個死角位，已經有一對男女對坐著，而旁邊個侍應叫我地坐個張檯就有一堆魚骨晌度，有點嘔心。 當然係唔關個對男女事啦，個侍應至少都應該清理下張檯先叫客人埋去，或者應該話先塞個客埋去（死角位）。 咁跟住好唔好意思咁要麻煩對男女起身咁我地先可以入去。
咁坐低咗，餐牌都未睇，個侍應就問我地食乜，咁我地就話可唔可以幫我地抹一抹檯先，然後佢就帶左條勁污蹧嘅檯布番黎係咁意抹兩下就算。個條布就確係有點恐怖，好似好耐冇洗過咁囉。點咗魚頭魚湯米線，女朋友就點咗魚腩米線。
到呢一刻我仍然期待食物，因為開飯啲老友話好好食。食物終於嚟喇，先呷啖魚湯先，淡而無味一點魚味都冇，更加唔使講食評所說的香濃！再食一啖魚，更加失望，魚毫無鮮味可言，質地重好似擦子膠咁。我以為係我唔識叫，咁試下女朋友個碗啦，點知都係一樣，着實很失望。食食下重叫我地換檯添，搞到我地都好無耐。其實如果佢係要搭檯，佢地應該叫人坐埋一邊，佢個度已經係細，咁樣叫客人轉來轉去好唔方便。
由於對佢嘅食物，服務和衛生都不滿意，絕對唔會再有下一次。只可以話食野真係各有喜好，好主觀，切密盡信呀！
张贴