瀛豐放題料理專門店

天氣一開始熱就好想食刺身！梗係食放題最happy啦！刺身款式又多又齊，來呢度仲有我哋最鍾意嘅巨型牡丹蝦、珍寶帶子、海膽同埋生蠔🦪搬去新地址之後座位間隔寬敞又多卡座，坐得更加舒服呀！刺身同生蠔全部都勁新鮮👍款式多，每樣點幾款都已經擺到成隻刺身船咁，豪華又矜貴！大大隻嘅牡丹蝦刺身係必食item！無限潻食，食幾隻就返本啦！吃起來香甜軟糯，鮮甜的大蝦肉塞滿成個嘴，記得啜埋嗰個大頭蝦膏，甜到一個點㗎！真係超滿足呀！老公鍾意食生蠔🦪，而我就鍾意食海膽！所以我哋每次都會加升級優惠，升咗級就可以任食生蠔🦪和厚切帶子海膽刺身！生蠔勁新鮮仲好咸香，唔算係好肥美，但係食落去都蠔汁四濺，偷偷話俾你知食生蠔秘訣係點Wasabi😋 甜如蜜的厚切帶子刺身夾住海膽回甘餘韻悠長真係勁有火花！呢度嘅壽司都好有水準，仲有多款蟹子蟹膏蟹肉軍艦，濃郁蟹味好似去咗深海咁呀！熟食方面非常推介串燒，豬牛雞串燒各有特色，肉質好味道都唔錯！焗帆立貝好香蒜蓉味，好惹味！