自己人

营业中

休息中

見到荃新天地有新食肆，門口餐牌嘅食物相睇落幾吸引，所以book左位午市時間食點心。明白可能好多客人，所以比預約時間再等多20分鐘先入坐。入到去左右隔離都係foodie, 就心知不妙。其實搵foodie宣傳都唔緊要，但好心就安排佢地坐埋一邊。一路食，班foodie行黎行去又影相又拍片，唔知個個係咪老細又舉機拍啲foodie 讚好既訪問片，大佬仲要坐埋過去其他食客張台到，完全無諗過阻到其他人，其實真係好騷擾真正既食客。 你要做show 不如劃分一區先啦，勁煩。我地叫左7碟點心加一碗菜圃海鮮粥。點心好普通，只限打卡。至於碗粥，嘩，咸到痴左線😵食食下野，仲見到一位男經理/部長 企喺張木凳上面，打開個水煲蓋，喺無帶手套既情況下，唔個喺邊拎左對筷子出黎，夾個茶包。望住杯茶即刻唔開胃。