圃公館 (已結業)

今晚，去朋友推薦嘅圃公館打邊爐，佢話嗰度D湯底好正，食過一定會鍾意。

睇吓個餐牌，有好多特別嘅湯底，朋友就揀咗個麻辣湯底，嘩！見到D火紅嘅辣椒，喺湯裡面滾吓滾吓，D熱氣帶住D鹹辣香，攻入個鼻度，感覺真係好開胃。

我哋即刻將D，好新鮮紅潤嘅本地肥牛，放入鍋裡面灼一灼就食得，入口好滑好有牛香，真係好正。

跟住，叫咗墨魚丸同埋鮮蝦雲吞，墨魚丸好爽口，好鬼彈牙，又多墨魚肉，超好食。
鮮蝦雲吞，超大粒嘅雲吞裡面包住新鮮嘅大蝦，好有鮮味，朋友話每次都必食。

因為我哋得兩個人食唔倒太多嘢，望住個仲滾吓滾吓嘅湯底，決定叫埋個掛湯效果一流嘅四川粉條，務求要將個麻辣湯食到盡，泡過湯嘅粉條真係好惹味，跟住再叫番D青菜，清新吓，諗番起都覺得正。

圃公館雖然有D隔涉，由地鐵店行去都幾遠，不過係酒店打邊爐都係第一次，環境真係唔錯，好寬落，好舒服，個麻辣鍋真係啱晒我口味，朋友真係好介紹。