新泰東南亞餐廳 (雙子匯1期)

营业中

休息中

朋友搬左去啟德住，今日入去搵佢house warming，順便食個飯，帶左我黎呢間新泰其實之前都係尖沙咀食過，但估唔到呢到比起其他分店裝修得更精緻華麗，一入到去勁有feel，好似真係去左旅行咁！Menu亦唔係一成不變，今次黎都睇到有啲新菜式不過唔知係咪新開未有酒牌今次見唔到有cocktail同啤酒飲炭燒豬頸肉，平時好中意點醬食既我今次竟然覺得加左醬反而無咁好食！炭燒味好出，面頭脆卜卜，點醬反而cover左啲燒烤味，今係好出色！菠蘿咖哩蝦，好有新意，菠蘿加入左咖哩後仲好清新，成個咖哩唔會太膩，蝦肉好多滿滿咖哩香。馬沙文咖哩同樣唔差，有豬牛雞揀，勁杰身入味，食落偏甜少少，出色。軟殼蟹米紙卷，好大份，而且夾起身亦唔容易散開晒。軟殼蟹仲keep到好脆身，點埋個泰式醬一流。鴨肉生菜包，平時食都係豬肉多，今次幾特別用左鴨肉，不過食起上黎個人覺得分別都唔大，肉汁好多唔算好辣Pad thai，面頭用蛋整左個網形，勁有心機！食落酸酸甜甜，麵質亦唔會太淋好彈牙。