影片
营业时间
今日营业
11:30 - 23:00
星期一至四
11:30 - 22:30
星期五至日
11:30 - 23:00
以上资料只供参考，请与餐厅确认详情
知道启德近几年开咗好多新嘅商场，今日决定过嚟觅食😝坐地铁去到启德站，一出行冇耐，就见到启德双子汇，地点好方便👍🏻今日想食泰国菜，所以最后拣咗「新泰东南亚餐厅」，佢环境境都好舒服宽敞😌充满泰式风味，令人好放松！打开menu，都见到有好多选择，三心两意咗好多耐，终于决定到点咩菜😝🔸泰式明鲈鱼$228呢道𩠌真系好正，见到热辣辣原条鲈鱼上枱，又闻到好香好清新嘅香茅、柠檬叶同芹菜香味，食落味道酸酸辣辣，有啲梅子肉，鱼肉吸满汤汁的味道，越食越开胃，仲有啲肉碎同菇菇🤤最后极速清晒！重点完全唔会有腥味！🔸香芒软壳蟹米纸卷$98一碟有八件大大件米纸卷，份量都好足！入面有满满炸到好香嘅软壳蟹，仲食到蟹膏嘅香味，搭配埋生菜、红萝卜丝、青瓜丝、牛油果、檬粉同甜甜嘅芒果，面头仲有炸干葱，一啖咬落去真系好满足！旁边仲有鱼露甜酸汁「碌冧」👍🏻🔸烧西冷牛扒$138牛肉烧得好香，好够牛味，我哋叫咗五成熟，完全唔会干柴，系出色的，个底仲有啲杂菜，旁边又有啲腌咗嘅蔬菜，可以食下fresh下，佢仲有两个酱汁，钟意可以再加埋泰式酱汁同辣汁，转换下口味！🔸泰式冻奶茶$48超钟意泰奶𠮶种好香嘅泰式茶味，如果你都同我一样，嗌佢唔会令你失望，嘻嘻😜不过我有叫小甜，觉得个甜度啱啱好！🔸咸柠七$42泰国菜通常比较重口味！所以食食下，饮啖咸柠七，真系好爽！员工服务态度热情，食物价钱合理，下次会再嚟🥰🥰🥰
继续阅读
同班friend约饭最烦拣餐厅，今次杀入启德双子汇新开嘅「新泰泰国餐厅」，门口大大个打卡位IG-able，入去发现装修走轻奢风，服务员姐姐超nice，加分！**🍤香芒软壳蟹米子卷** 透明米纸卷睇到爆馅嘅橙黄色芒果同炸到金黄嘅软壳蟹，面头撒咗啲炸红葱头。芒果酸甜balance返油腻，最惊喜系里面夹咗薄荷叶，成个口腔即刻fresh晒。**🍢串烧拼盘（鸡牛猪各2串）鸡肉串啖啖肉又juicy，猪颈肉带焦边最正，牛肉就稍为韧咗少少。精髓系个**自家制沙嗲酱**——花生碎多到泻，仲有淡淡椰香，个酱浓到可以捞饭。**🥬鸭肉生菜包（小辣）** 鸭肉碎炒到干身又镬气十足，生菜叶新鲜，包住鸭肉+薄荷+青柠汁一啖塞入口，辣劲慢慢涌上嚟（小辣都好够kick！）**🦪铁板蚝仔炒蛋（$148）** 铁板「滋滋声」送上枱，蛋边脆到似煎堆。蚝仔肥嘟嘟无沙，仲落咗大量九层塔同鱼露，咸香带微甜，朋友最like,邪恶度满分。 **🍝泰式炒金边粉** 摆盘靓到不舍得搞乱——金边粉堆成小山被脆网蛋包住，十分抢眼。炒功一流，酸甜酱挂晒上粉条，仲有淡淡罗望子香。特别赞佢用粗身金边粉，索汁得嚟唔会烂腍腍。**💬后记** 埋单每人$250左右，饱到捧住个肚走同打包。朋友话下次想试埋佢个火山排骨😝 **📍 新泰东南亚餐厅** 启德双子汇14楼（启德站行3分钟） P.S. 记得订位！平日晚上都爆满㗎～ #启德美食 #泰国菜 #软壳蟹卷
继续阅读
「新泰东南亚餐厅」在尖沙咀的分店已经食过，仍然记住佢哋嘅食材和味道有多出色，依旧人气晚晚排长龙，今日再嚟到启德Airside 分店食晚餐，一样系超爆场，装潢充满泰式风味，地方好大座位够晒宽敞👍▪️串烧沙嗲（鸡、牛、猪）每枱必点即叫即烧，上枱热辣辣充满肉香，而且每串都非常大串啖啖肉，鸡、牛、猪烧得一样出色，外焦肉Juicy ，沾上惹味嘅沙嗲花生酱，超正宗泰式风味▪️泰式去骨海南鸡 （半只）/ 鸡油饭泰式海南鸡饭，海南鸡份量好多，鸡件已经去骨，鸡皮爽脆，鸡肉滑溜又够入味，唔需要点任何酱汁都好够味，当然沾上泰式风味辣汁和姜蓉更有风味，配上泰式鸡油香饭超美味▪️明炉乌头鱼泰式明炉烧鱼，热腾腾原条鱼上枱，有肉又有汤，味道酸酸辣辣，鱼肉吸满汤汁的味道，越食越想食令人特别开胃，香茅、南姜、辣椒、柠檬叶及芹菜香味特别突出▪️芒果雪糕配糯米饭不能错过这里的甜品，这个用原个椰青起肉，再放上热辣辣嘅糯米饭、芒果雪糕、新鲜清甜芒果、甜椰浆和白芝麻，所有食材配搭一齐食，味道超级惊喜▪️椰青椰青超大个，够晒冰冻椰水清甜好饮，消暑解渴一流▪️芒果沙冰即点即打既芒果沙冰，口感浓厚，芒果味香甜浓郁，完全好似食紧芒果一样
继续阅读
启德Twins喺地铁站附近，SOGO似乎唔算多人行，但楼上泰国菜反而多人流。地方唔细，座位有室内同室外。室外景色给辽阔，只系天气热左，选择室内比较凉快。装修系亚热带为主题，好多木支柱，同埋绿色植物。餐牌当然唔少得咖喱，海鲜，菠萝炒饭，米纸卷。铁板蚝饼值得order，热辣辣出晒烟，充满香气上枱，蚝仔都几大粒。软壳蟹牛油果米纸卷，软壳蟹好脆无返炸。海鲜湿炒河粉，预料之外系河粉先煎香，再加上海鲜同芡汁，河粉非常香口。
继续阅读
今日同老公去左启德sogo行街，原来百货公司楼上都有咁多嘢食，我哋就拣左间东南亚餐厅食吓晚饭。餐厅非常大，好有东南亚feel，木系设计，我哋去到都已经好多人，客人都已经开始等位。餐牌好多嘢食，每款种类都好多选择。最后我哋叫个湿炒菜，烧牛扒，主食同两杯饮品。泰珍珠椰菜苗炒香菇：椰菜苗爽口清甜，冬菇煮到软腍，配菜仲有红萝卜，所以材料都吸汁，唔多油，清淡得黎好入味，几好。烧西冷牛扒：牛扒烧到粉嫩，好有炭烧味道，好焦香。点埋泰式酱汁或泰式辣酱，两款味道都好好味，怕热气就可以食连牛扒底层沙律菜一齐食，几清新。而旁边有D腌左嘅红萝卜同白萝卜，酸酸地几开胃。越式烧春鸡酿香茅黄饭：卖相吸引，鸡size大，烧得几靓，肉嫩。春鸡酿满黄饭，份量都几多饭好有香茅味道，味道较甜。旁边仲有碗沙律菜，好爽口，酱汁酸酸甜甜，无论点鸡或做沙律酱都好好食。饮品：冻柠茶味道正常，咸柠七够咸，好清爽。
继续阅读