鬼金棒

营业中

休息中

自從幾個月前第一次去完日本之後食過當地既特色拉麵之後就比佢地深深吸引左，平時鍾意食辣拉麵既我覺得幾新鮮，所以返到黎都想回味下。今日同朋友兩個咁岩去開尖沙咀見到有間日本鋪，裝修幾有特色，搞到突然回味下當地風情，睇完餐牌見到Ｄ野食都幾吸引，價錢又唔係特別貴，所以就直接入左去坐低叫野。入到黎員工都幾有禮貌，會主動比紙巾，水同圍巾我地用。後尾怕我辣仲比定粒糖我解辣用。入到去間鋪Ｄ店員幾有禮貌又肯主動比水我地飲仲推介少少野食比我地食。今次我地食既野唔多因為因為下晝食過野都唔算好餓。最後我叫左個拉麵同埋三文魚刺身，份量好足都幾飽。特制辣麻味增拉麵配鬼增辣鬼增麻（$150(15+15)），一黎到既時候，雖然佢睇落唔係話特別精緻，但份量黎講真係好足夠，落料好足完全唔係求其比細細份呃你錢。食一餐飯除左要個環境氣氛要好，食物質素都好重要，呢方面真係要讚下佢，佢做到我之前響日本食到既感覺出黎，味道真係唔錯。最重點係，個麵真係好夠辣，好夠廣，同埋舊肉好大舊好軟熟。勁好食。如果有朋友最近去過日本又想回味返當地既風情，可以黎鬼金棒試下，真係唔錯架。