光榮冰室 (福昌大廈) (已結業)

光榮而家好多分店，星期六中午喺觀塘就嚟試吓。我哋兩個人，一入去咁啱有人走，唔洗等位。因為第一次食，所以叫最受歡迎嘅叉燒滑蛋飯同開心餐。啲嘢食好快就到，個份量真係超大，我已經叫咗要一半飯，都應該仲有一碗飯嘅份量。有好多滑蛋叉燒，有少少豉油，蛋好滑，撈飯食真係超正。而個雞扒蛋飯又係勁足料，佢塊雞扒係同隻碟差唔多大，等於平時岀面食嘅兩塊咁，仲醃得幾好，食到有啲薑黃味，塊扒本身又冇乜肥膏，又煎得好，真係好正。兩個飯都勁抵，凍飲又唔洗加錢，真係超值。另外都見唔少人食常餐，有辛辣麵同丹麥多士揀，下次嚟再試吓。