玖拾烘焙 (已結業)

之前路過呢家舖就覺得佢好吸引，今次一於去試下。Bagel款式多，最正係個架設計得好有心機，一格格整齊擺放。另外其他麵包款式都好吸引，真的想不到佢地既款式愈來愈多，每一款都好想食下haha。除此之外店內仲有賣埋果醬，原來係寄賣既小店品牌，果醬既味道都好特別，包裝都好精緻。仲有賣飲品添，呢款奶茶樽裝設計好日系呀，相對型格，下次試下先。我呢日買左雙重朱古力麻糬&伯爵巧克力黑糖麻糬Bagel ，因為我真係好鍾意麻糬haha雙重朱古力麻糬超級香濃，麻糬好有口感，Bagel好有咬口。伯爵茶個款同朱古力都好夾，而呢款裡面係黑糖麻糬黎既，更帶出左伯爵茶既香味。另外我仲買左個期間限定軟包，係芋泥鹹蛋黃奶酥吐司，粒粒鹹香！仲要有女生熱愛既芋泥呀，口感都好有層次，而且夠哂飽肚。總括而言，呢度真係勁多選擇，下次路過再試下其他先。