影片
更多
2012-10-01
83 浏览
今(1-10-2012 Mon)朝同男友起身後食早餐,我知道荃滋味執o左後開o左間新餐廳叫莎樂美,於是同男友o黎試,點知o黎到係未開市,因為只由午市開始做.咁我o地冇得試喇,於是行去兆和街,但兆和街又被翠華壟斷晒,男友話太興,不過見太興有人排隊等,所以又唔去.我話翠苑,佢話翠苑咪一樣係翠華.冇錯,不過感覺有啲唔同.入到去,剩返一張四人枱o岩o岩走,我o地就坐低,男友要$27.00o既C餐,係低脂高鈣鮮奶麥皮配冰鎮菠蘿油或鮮油餐包,佢揀前者同加$2.00要凍奶茶.我就要$30.00o既美式扒早餐,要煎雞扒配迷你牛油脆豬仔包,茄汁豆同煎蛋,要熱好立克.好快,我o既熱好立克同男友o既低脂高鈣鮮奶麥皮到o黎,影完枕相凍奶茶又即到,之後係冰鎮菠蘿油.冰鎮菠蘿油原來係用冰鎮住啲牛油,等你自己放入個菠蘿包o度,真係第一次見識,件牛油咁細要用咁多冰鎮住,而且我o地o岩o岩坐o係冷氣機底,被風吹到正一正,啲冰會更快熔,所以我叫男友快啲食o左呢個先,唔係啲牛油同冰混埋一齊都唔知點算.佢食o左後話估唔到個菠蘿包幾好食,有驚喜.而我就加一茶匙糖到我杯熱好立克飲,嘩!咁甜o既?熱飲唔係自己加糖o既咩?之後我o既
咁我o地冇得試喇,於是行去兆和街,但兆和街又被翠華壟斷晒,男友話太興,不過見太興有人排隊等,所以又唔去.我話翠苑,佢話翠苑咪一樣係翠華.冇錯,不過感覺有啲唔同.
入到去,剩返一張四人枱o岩o岩走,我o地就坐低,男友要$27.00o既C餐,係低脂高鈣鮮奶麥皮配冰鎮菠蘿油或鮮油餐包,佢揀前者同加$2.00要凍奶茶.我就要$30.00o既美式扒早餐,要煎雞扒配迷你牛油脆豬仔包,茄汁豆同煎蛋,要熱好立克.
好快,我o既熱好立克
同男友o既低脂高鈣鮮奶麥皮到o黎,
[iMG:2]影完枕相凍奶茶又即到
,之後係冰鎮菠蘿油.
冰鎮菠蘿油原來係用冰鎮住啲牛油,等你自己放入個菠蘿包o度,真係第一次見識,件牛油咁細要用咁多冰鎮住,而且我o地o岩o岩坐o係冷氣機底,被風吹到正一正,啲冰會更快熔,所以我叫男友快啲食o左呢個先,唔係啲牛油同冰混埋一齊都唔知點算.佢食o左後話估唔到個菠蘿包幾好食,有驚喜.
而我就加一茶匙糖到我杯熱好立克飲,嘩!咁甜o既?熱飲唔係自己加糖o既咩?
之後我o既煎雞扒配迷你牛油脆豬仔包,茄汁豆同煎蛋都好快到o黎.
睇見件雞扒上o既油重係滾o緊,食吓先,幾熱好夠味,茄汁豆同煎蛋呢啲冇問題,而迷你牛油脆豬仔包呢,一邊多牛油一邊少,我食多o個邊,仍然係脆同幾甘香.價錢:
睇返年頭o個次o黎食,只係8個月又加價,重有2個月就2013年,咁咪好快又加?
o個次食評: http://www.openrice.com/restaurant/commentdetail.htm?commentid=2215594
服務:依然會為客人安排座位,不過佢o地密密收o野o既程度令我有啲趕客o既感覺,我個碟重剩返車厘茄同青瓜各一係留畀仍食o緊麥皮o既男友,亞姐都想收,好彩我口快話重要,之後佢o地就每見我o地有一樣o野清o左就逐樣收.
等埋男友飲埋杯唔記得o左o既凍奶茶,我o地都未動身同拎單出去,亞姐已經同我o地講多謝.我更加覺得係趕客囉.
张贴
