影片
偷得浮生半日闲，趁著今日下午得闲，走咗去荃湾寻找美食，正值下午茶时间，行到众安街有间名叫翠苑餐厅，见到价钱都颇为合理，于是就入去一试。芝士焗肉酱意粉包一杯热饮 $46，我叫了杯热柠檬水。热辣辣的焗肉酱意粉端出尼还在碟里沸腾著，散发出甜酸甜酸的香味，令我胃口大开，免治猪肉混合了芝士酱铺满了整碟意粉上，感觉满足，意粉不太腍也不太硬，恰到好处，喜欢食浓味芝士的我，就觉得美中不足，如果这碟意粉能够加多点芝士酱，就更加可以提升这碟意粉的味道了。
继续阅读
星期六一朝早走到嚟荃湾做身体检查，事前梗喺要空腹嚟抽血啦，所以，一做完身体检查即刻晌附近嘅茶记食返个早餐先，不过，话丰富，都只不过喺早餐ABC嘅啫，无刻意食太多。而喺众安街兜两兜，发觉同一款早餐组合，「翠苑」真喺定价最抵。 「翠苑」绝对喺街坊茶记，嚟嘅差唔多大部份都街坊装，挞对拖鞋，所以，虽然已经10点松啲，但一样坐满晒人。 一版面早餐餐牌一目了然，有晒咩早餐选择，虽然有啲特盛扒面餐，但唔喺我嘅心水，我就睇啱沙嗲牛面，而同类型嘅早餐，附近几间茶记都卖超过40，喺「翠苑」只卖35。 醒晨早餐 B $35众多系列，醒晨早餐睇落最抵，而小弟拣嘅呢个餐嘅组合喺沙爹牛肉面配火腿煎蛋、牛油方包，包基本热饮。 当然火腿、煎蛋、方包都喺大路嘢，唔会有咩特别，正常茶记快速质素，至少食得出啲火腿唔喺啲平价货。 碟沙爹牛面算喺咁啦，俾咗唔少沙爹牛肉，亦好软腍，个酱汁都浓郁惹味，面底相信都喺茶记常用嘅大光面，唔太高要求嘅其实都OK，最紧要师傅唔好煮过笼，食落仲有少啲爽身已经收货。 嚟茶记梗喺拣热奶茶啦，喺最稳胆之选。面前呢杯热奶茶饮落都有质素，茶底芳香，茶奶比例又好，口感确喺唔错，就算唔叫最好，亦喺中上嘅质素。 虽然话家下香港乜都贵晒，其实，全球通帐高企，有啲地方嘅嘢仲贵呀。你揾大陆、东南亚比，无嘢讲啦，但你试吓揾欧美比，就更加肯定香港喺美食天堂呀！呢个早餐，包埋餐饮先三十几蚊，真喺抵架，唔使预备，唔使煮，又唔使洗嘢，食完走人，仲想点！
继续阅读
18-6-2023(Sun)同老公买完𩠌返到屋企后我都肚饿,而且我又漏咗嘢未买,加上搭车时经过呢喥,见到$50.00嘅lunch系黑松露汁鸡扒炸蟹钳好吸引,咁就同老公落嚟食晏啦.我哋嚟到时冇晒卡位喇,我睇完MENU,依然坚持要黑松露汁鸡扒炸蟹钳配意粉,汤就要中汤,饮热柠水.老公就要鱼香茄子饭炆米,要罗宋汤同柠乐.落完单,嘢饮好快到,中汤系红萝卜猪骨汤,热腾腾嘅,味道唔太浓,好味.味道:5分我冇饮到老公嘅罗宋汤.黑松露汁鸡扒炸蟹钳到嚟喇,见到都几大碟,黑松露汁其实系忌廉汁加黑松露.食落,系食到淡淡嘅黑松露味,鸡扒煎到外脆内里juicy,佢本身都腌过,少少咸;意粉都OK冇问题;我将炸蟹钳切开一半食,呢个普普通通.味道:4分老公嘅鱼香茄子饭炆米呢?呢个亦都有好多,佢有少少辣,但我仍接受到,湿润嘅米粉口感都正常.味道:4分我冇落糖到杯热柠水饮,呢个有少少涩.味道:2.5分之后我现有杂果生炒骨饭,谂起好耐冇食,于是买嚟做晚饭,见侍应收走午餐牌,我就即刻问可唔可要外卖?重赶得切,于是要中汤同冻柠乐.整好晒就走人.返到屋企就影好杂果生炒骨饭啦,见到佢哋俾咗两set外卖餐具.呢碗汤系俾爸爸饮,而杂果生炒骨饭,睇到啲饭都几干吓,到晚饭时间喇,我先食生炒骨,口感又腍又韧,味道偏少少酸;而白饭就系干.味道:2分价钱:我计好晒应该系$157.00+,俾钱话$172.00,点解嘅?收银俾张单我睇,原来冻柠乐收$10.00,外卖收$2.00唔出奇.不过menu冇写冻柠乐系$10.00,定系我睇唔到?2.8分服务系4.5分上次食评系2015年8月15日刊登嘅呢篇:https://www.openrice.com/zh/hongkong/review/%E6%9C%89%E6%96%B0o%E9%87%8E-e2481270
继续阅读
早几天去荃湾工作完，就到附近翠苑餐厅食下午茶。可能是下午时间，人流不太多，有很多坐位，而坐位也很寛阔。这里下午茶的面餐可以自由配搭，鲜茄或时菜配猪牛鱼肉都可以，还有可以选米粉或出前一丁。朋友叫了时菜鲜牛肉米粉，时菜及牛肉都很新鲜，配清汤底，味道清甜，不错。而我就简单叫了扬州炒饭，炒饭份量多，配料充足，每一口都有很多叉烧或虾仁，而味道不太咸，刚刚好。两个茶餐价钱都不算太贵，但味道及用料都比一般的茶餐好。
继续阅读
硬食杞子香妃鸡晚餐罗宋汤系偏酸同过杰碟鸡系又硬又鞋，鸡胸可以劲到见到一层层。成碟鸡至少有五六条血管鸡毛，洗鸡时拔下好难咩？ 唯一惊喜系𠮶几粒杞子系用花雕煮过下碗饭系简直离谱，又硬又鞋，何来系丝苗？似劣质粘米多啲。奶茶系涩口嘅，茶底一啲甘香都无。$68一个香妃鸡套餐，已经系 overpriced, 其他小菜套餐都系有啲 overpriced. 周边嘅餐厅食相近嘅鸡饭餐唔驶咁贵仲好食好多。整体嚟讲，出品质素较差，似乎系师傅无乜要求又或者系较为马虎
继续阅读