影片
更多
2010-02-02
14 浏览
早前訂位食燒肉放題的時候仲係$160, 點知confirm booking的時候卻通知我因為來貨貴左, 所以加價到$178, 唉...早知早幾個星期食啦... 星期一至五的價錢$178, 而星期六, 日, 公眾假期則$198每段時間有2個小時, 分別係6-8pm同8-10pm, 因為放工未趕到早的時段, 所以食8pm時段, 一邊係食鐵板燒, 另一邊係食燒肉, 當晚只並不滿座, 大概坐左三份二的檯, 每位送大虎蝦一隻, 有張食物紙, 好似剔點心咁, 剔完俾侍應入單就可以了肉類有和牛肉類:有一口牛, 牛胸, 牛腹, 牛舌, 牛肋條, 牛肋骨, 我地主要係試牛舌一口牛同牛胸腹,牛舌幾爽口 , 唔駛燒太耐, 一口牛其實即係牛柳粒, 算係有咬口, 而牛胸腹一碟大概有4-5片, 油脂分佈不錯, 食落去油份偏重, 但牛味並不濃, 但出面食一碟都要$70-100, 所以食幾碟都回本啦豚肉類: 有豬腩肉, 豬頸肉, 黑豚肉, 只係食左黑豚肉, 因為驚d豬肉唔熟, 所以燒出來幾'鞋'口雞肉類: 有雞肉, 雞軟骨, 雞翼, 主要試左黑七味雞翼, 其實即係用七味粉醃製過的, 辣辣地都幾好食, 而且所有雞中翼
每段時間有2個小時, 分別係6-8pm同8-10pm, 因為放工未趕到早的時段, 所以食8pm時段, 一邊係食鐵板燒, 另一邊係食燒肉, 當晚只並不滿座, 大概坐左三份二的檯, 每位送大虎蝦一隻, 有張食物紙, 好似剔點心咁, 剔完俾侍應入單就可以了
肉類有和牛肉類:有一口牛, 牛胸, 牛腹, 牛舌, 牛肋條, 牛肋骨, 我地主要係試牛舌一口牛同牛胸腹,牛舌幾爽口 , 唔駛燒太耐, 一口牛其實即係牛柳粒, 算係有咬口, 而牛胸腹一碟大概有4-5片, 油脂分佈不錯, 食落去油份偏重, 但牛味並不濃, 但出面食一碟都要$70-100, 所以食幾碟都回本啦
豚肉類: 有豬腩肉, 豬頸肉, 黑豚肉, 只係食左黑豚肉, 因為驚d豬肉唔熟, 所以燒出來幾'鞋'口
雞肉類: 有雞肉, 雞軟骨, 雞翼, 主要試左黑七味雞翼, 其實即係用七味粉醃製過的, 辣辣地都幾好食, 而且所有雞中翼已分開兩件, 所以只有一條骨, 方便燒來食
海鮮和其他類: 鯖魚, 太子貝, 八魚, 蝦, 羊扒, 鴨胸, 鴨舌, 尤魚鬚, 紐倫堡腸, 只係食左蝦同太子貝, 蝦當然比送的虎蝦細隻些少, 但肉質都ok, 唔會好'梅', 而太子貝即帶子, 都算幾大隻, 已經係半熟, 燒到個面香香脆脆就食得架啦!!
蔬菜和冷凍小食類: 南瓜, 粟米, 菇類, 茄子, 沙律, 冷素麵, 冷豆腐, 全部都無食過
仲有熱小食類:海鮮煎餅, 煮蘿蔔, 只係食左和牛炒飯, 雖然食落去唔係好覺得有和牛粒, 但係d之飯同平時鐵板燒的炒飯一模一樣, 新鮮熱辣炒出來都唔錯呀!!
整體上水準不俗, 尤其係d和牛類食品, 食多幾碟都回本啦, 不過都同意d食友所講的服務真係麻麻地, 雖然果晚只係得幾張檯的客人 , 但漏單的情況依然嚴重, 真係要改善一下啦
张贴
