何蘭正

营业中

休息中

呢間餐廳個名夠特別，原來係local fusion菜，中環地鐵站出黎要上一段小斜路先到。餐廳啲位擺得幾疏，感覺闊落，設計簡約又充滿玩味，成個環境加埋啲音樂令人好放鬆。星期日lunch walk-in都有位。見到鬼佬涼茶四隻字就知啤酒係主打野飲，不過今日唔係飲啤酒嘅心情，還是來個Dirty同Affogato，都唔錯丫呢個small plate嘅炸雞上到黎呆左一呆，一啲都唔small，趁熱食幾滑幾juicy跟住叫左兩個sharing plates，同樣係有返咁上下份量，好heavy呢個係牛面頰burger，裡面係沙嗲醬同金菇，好搞笑嘅組合但出奇地夾，好好味！切開睇吓有幾厚，金菇沙嗲肥牛？🤣肥牛換上牛面頰當然有口感得多！包皮鬆脆，正呀Egg Benedict多士配叉燒，叉燒係高質嘅，肥瘦適中，下面有薄切菠蘿減輕飽滯感，蛋係溏心蛋，同平時嘅唔一樣，幾有趣食完呢啲已經食唔落甜品，整體食物呢個價錢呢講絕對係exceed expectation，仲要無10% service charge。值得再黎發掘吓唔同嘅有趣食物組合，或者夜晚黎飲嘢氣氛應該唔錯。