影片
更多
2020-11-12
261 浏览
由細到大都好鍾意食卷物，加洲卷、軟殼蟹卷、三文魚卷等都係檯面常客，炸蝦卷嘅話一家人起碼叫要五、六碟先夠。是日嚟到千色匯新開嘅創意卷物店，白色加淺木色裝修簡潔，坐位半開放式感覺無咁有壓逼感。除咗卷物外仲有唔少和食供選擇，款式多元化。日本溫室南瓜沙律 $55南瓜綿密味濃，加上蛋黃醬，簡單開胃嘅小食。火山 $88蟹柳帶子混入沙律醬，面頭輕輕火灸過，堆喺係牛油果蟹柳卷物上，一啖食晒滿足。網燒牛舌 $48六塊牛舌軟稔帶牛油香，麻油汁醬惹味。三文魚頭湯鍋 $88湯頭頗為鮮甜，魚頭大大個，多肉滑溜，底下墊咗娃娃菜同豆腐，其實以佢價錢嚟講算係抵食，不過鍋太大好空虛，魚頭浮浮沉沉咁，如多放多少少蔬菜/紅蘿蔔加啲顏色，會更吸引。新張期間晚市有九折優惠，網上訂座更有八五折。整體食物味道唔錯，其實仲有其他卷物想試，不過叫一份都近百好似有啲進取，無折嘅話要考慮
是日嚟到千色匯新開嘅創意卷物店，白色加淺木色裝修簡潔，坐位半開放式感覺無咁有壓逼感。除咗卷物外仲有唔少和食供選擇，款式多元化。
日本溫室南瓜沙律 $55
南瓜綿密味濃，加上蛋黃醬，簡單開胃嘅小食。
火山 $88
蟹柳帶子混入沙律醬，面頭輕輕火灸過，堆喺係牛油果蟹柳卷物上，一啖食晒滿足。
網燒牛舌 $48
六塊牛舌軟稔帶牛油香，麻油汁醬惹味。
三文魚頭湯鍋 $88
湯頭頗為鮮甜，魚頭大大個，多肉滑溜，底下墊咗娃娃菜同豆腐，其實以佢價錢嚟講算係抵食，不過鍋太大好空虛，魚頭浮浮沉沉咁，如多放多少少蔬菜/紅蘿蔔加啲顏色，會更吸引。
新張期間晚市有九折優惠，網上訂座更有八五折。整體食物味道唔錯，其實仲有其他卷物想試，不過叫一份都近百好似有啲進取，無折嘅話要考慮
张贴
