古今二 (荃灣千色匯I) (已結業)

我本來諗住去荃灣千色匯食沾麵，去到之後反而比隔離間居酒屋吸引咗入去，因為門口嘅餐牌望落好吸引，結果由本來食拉麵變咗食日本料理睇餐牌見到有好多特色卷物，刺身，天婦羅，樣樣都想試。最後order 左4道菜，全部都好好味！柚想蝦你沙律沙律菜配我最愛既牛油果，柚子，甜蝦，車喱茄，蘋果粒，中華沙律，材料好多，佢地係用沙律醋再加麻醬做source, 開胃到不得了，必食！雜錦天婦羅有大蝦，秋葵，紫薯。大蝦有三隻，唔會好厚粉，炸得好鬆脆。最驚喜係秋葵，無諗過入面釀左魚肉，心思抵讚，熱辣辣上檯好好食！蜘蛛呢款卷物有軟殼蟹，青瓜，牛油果，蟹棒。軟殼蟹都幾大舊，炸到好脆好香口，配埋蟹棒都好match!火山見到隔籬枱點晒火我又叫一個黎玩下。兩邊圍住個卷物着火，以為係想將個卷物做火炙壽司咁，最後燒完就無，原來玩gimmick. 效果係吸睛既，呢間店都幾花心思去諗d 花誇野。個卷物係好多蟹棒絲堆到滿哂睇唔到d 飯，上面有芝士，飯入面又有牛油果，正到爆！完全忘記左自己本來係黎千色匯食拉麵 仲有好多款卷物，下次encore 再試