影片
更多
2021-12-06
49 浏览
位於荃灣千色匯嘅古今二，主打新派日式料理，有各款刺身、天婦羅、串燒、小食同埋最特別嘅就係特式卷物。東京爆脆$88賣相睇落去就普通壽司飯卷，食落內有乾坤，裏面餡料有吞拿魚同埋蟹柳，外面包着一層脆脆，口感好似天婦羅咁樣，配合面頭嘅醬料，食落口感有好層次！富士山$88造型好特別成座山仔咁樣，蟹柳撈埋啲脆片形成一個小山丘，下面就係鰻魚牛油果飯卷，好睇又好食。柚想蝦你$78呢個沙律入邊有柚子、雜菜、中華沙律、車厘茄、蘋果、蟹籽、牛油果同埋甜蝦，再配合柚子汁，口感清爽，味道豐富！櫻花蝦茄子燒$48好喜歡嘅一款菜式，必食之選❤️燒茄子上邊鋪滿左櫻花蝦，蝦味濃郁，茄子燒得啱啱好可以拉絲咁食，配搭上面嘅醬汁真係好惹味！迷你甜薯天婦羅$39炸甜薯新鮮熱辣炸起，外面香脆，裏面軟糯。整體來講，價錢合理，食物款式又多，下次會再食～
東京爆脆$88
賣相睇落去就普通壽司飯卷，食落內有乾坤，裏面餡料有吞拿魚同埋蟹柳，外面包着一層脆脆，口感好似天婦羅咁樣，配合面頭嘅醬料，食落口感有好層次！
富士山$88
造型好特別成座山仔咁樣，蟹柳撈埋啲脆片形成一個小山丘，下面就係鰻魚牛油果飯卷，好睇又好食。
柚想蝦你$78
呢個沙律入邊有柚子、雜菜、中華沙律、車厘茄、蘋果、蟹籽、牛油果同埋甜蝦，再配合柚子汁，口感清爽，味道豐富！
櫻花蝦茄子燒$48
好喜歡嘅一款菜式，必食之選❤️燒茄子上邊鋪滿左櫻花蝦，蝦味濃郁，茄子燒得啱啱好可以拉絲咁食，配搭上面嘅醬汁真係好惹味！
迷你甜薯天婦羅$39
炸甜薯新鮮熱辣炸起，外面香脆，裏面軟糯。
整體來講，價錢合理，食物款式又多，下次會再食～
张贴
