日本野 (已結業)

我:今日去食日本野？朋友:好啊好啊，食邊間好？我:唔係啊 間店個名係「日本野」😂😂一致認為個店名好有心思，好鬼馬😂😂🤪我哋首先叫咗壽喜燒，都幾足料，兩個人食唔會太飽，所以有空位食其他小食！平時食壽喜燒係用生蛋點牛肉，呢度嘅做法好創新，係將隻蛋加埋係個鍋入面。仲叫咗雞軟骨，鰻魚玉子燒同埋炒野菜！鰻魚玉子燒係玉子包住鰻魚，一啖可以食到兩種味道。炒野菜包含咗唔同嘅菜，例如西蘭花，翠玉瓜，亦都有菇，車厘茄等等。可以話係健康之選。