茶墨 (已結業)

依加冇晚市，唯有早小小晏就出街食野行街。同朋友約左尖沙咀行The One，佢話有間珍珠奶茶要好推介，岩我依D奶茶當水飲嘅人🤣。間店係4樓，行到果去已經有人排緊隊。依間檔原來係賣墨水風嘅飲品，估佢唔倒珍珠奶茶都可以咁玩法，香港人嘅創意真係無限🤣。同個朋友一人一杯叫左麻薯 芝麻烏龍鮮奶茶同埋麻薯 芋泥茉莉鮮奶綠。睇相就知打卡一流，好似幅墨水畫咁好特別。佢佢大大杯唔孤寒，芋泥奶綠依款，上面「墨水」係芋泥黎，攪勻飲落芋泥都唔少，唔係最假果種人工味，麻薯軟硬度適中煙韌好食，鮮奶味重，比茶味特出。朋友果杯我冇飲到，不過因為佢係芝麻所以更似墨水更靚🤣。店舖重有賣蛋糕同埋低脂意式雪糕，天氣凍就唔試住啦不過個賣相都係幾OK，見有人坐低食野都好正，有機會再試。