影片
更多
2020-11-01
150 浏览
見到門面好古色古香，發現原來係食日本嘢，就入去試一試。原來呢度係主打卷物，啱哂我地！試左個搖滾樂，即係芝士鰻魚卷，有8粒咁多，每粒都有舊肥美鰻魚，夾埋芝士食超好味！我地仲試左個壽司pizza, 好特別！個薄餅底係炸過嘅壽司飯，餡料我哋揀咗吞拿魚，都幾得意～一人叫咗一份薯餅，海老忌廉湯薯餅真係超級好味！一咬啲忌廉湯就會湧出黎，又唔會太漏，超滿足呀！相比之下，咖喱薯餅就無咁特別，但都好食嘅。炸雞芝士卷，有少少韓國炸雞風味，變咗做壽司都幾特別，而且幾好味！見到今晚推介有左口魚三食，叫咗一份嚟試吓。三色分別係辣醬，黑松露醬同埋柚子醬，個左口魚有火炙過，入口好香魚油味，配搭唔同嘅醬食，口感都好豐富！最後食埋個雞泡魚乾，燒得幾好幾軟熟，唔會硬倔倔，唔錯～
原來呢度係主打卷物，啱哂我地！
試左個搖滾樂，即係芝士鰻魚卷，有8粒咁多，每粒都有舊肥美鰻魚，夾埋芝士食超好味！
我地仲試左個壽司pizza, 好特別！個薄餅底係炸過嘅壽司飯，餡料我哋揀咗吞拿魚，都幾得意～
一人叫咗一份薯餅，海老忌廉湯薯餅真係超級好味！一咬啲忌廉湯就會湧出黎，又唔會太漏，超滿足呀！
相比之下，咖喱薯餅就無咁特別，但都好食嘅。
炸雞芝士卷，有少少韓國炸雞風味，變咗做壽司都幾特別，而且幾好味！
見到今晚推介有左口魚三食，叫咗一份嚟試吓。
三色分別係辣醬，黑松露醬同埋柚子醬，個左口魚有火炙過，入口好香魚油味，配搭唔同嘅醬食，口感都好豐富！
最後食埋個雞泡魚乾，燒得幾好幾軟熟，唔會硬倔倔，唔錯～
张贴
