古今二 (The ONE)

营业中

休息中

假期來到尖沙咀睇戲 ， 入場之前當然 要搵美食 醫肚仔， 朋友想食日本嘢， 即時諗起在the one的古今二。 最鍾意就係呢度嘅卷物， 耐唔耐 就會心思思想返嚟。雞胸軟骨串燒＋紫蘇葉雞肉串燒串燒都唔錯， 外面 燒到色澤金黃， 微微嘅香烤焦脆， 雞肉keep到肉質嫩滑， 加埋紫蘇葉味道更加清新。 雞軟骨質咁好得意， 脆脆地又帶一點煙韌韌。龍捲風沙律每次來必點的沙律， 重點係勁鍾意食勁多蟹柳， 仲有大量綠色的海藻 中華沙律。 加上大量嘅新鮮生菜， 同埋辣辣地嘅醬汁非常醒胃， 加埋脆片真係好好味。超級龍捲風(鰻魚+ 海老 +青瓜 +芝士+ 脆片)脆卜卜嘅吉列炸蝦, 加埋軟綿綿嘅鰻魚, 清爽 嘅青瓜 加埋特製醬汁， 真係好惹味。東京爆脆(吞拿魚+ 蟹柳+ 魚子 +辣芝士醬) 真係好鍾意食蟹柳， 加埋脆卜卜嘅魚子， 同埋辣辣嘅芝士醬真是不錯。