更多
2013-11-25
1208 浏览
讲番少少上文提要，因为入秋天气凉咗，两公婆一时兴起走咗入长洲行吓，晌长洲嘅西南面兜咗个大圈，买完用嚟送俾亲戚嘅一大袋海味之后，返回码头都时近旁晚，结果晌码头附近内街「得得好店」食完个「下午茶」之后，距下一班大船仲有啲时间，再想食啲甜品先走。今日行咗一大轮先知原来长洲有咁多甜品铺，不过多数都喺啲生果捞，但食甜品嘅目标清晰，记得有间「师妹甜品」颇有名气，虽然事先无计划嚟，最终都想起依间小店，就过嚟食埋件冻饼先上船 。因为「提早」食晚饭，过嚟「师妹甜品」都未够7:00pm，客人就只有我俩，正正连店主都啱啱准备开饭 。店内一室黑色为主调，装修简约，入门口右边喺饼柜及厨房，左边用餐部份大概容纳20人左右。揭揭餐牌，好快就有心水，蜂蜜、豆腐、朱古力都喺老婆嘅喜好，小弟就乜都啱嘅，所以，毫无悬念之下就拣到心目中嘅选择 。餐牌上有段温馨提示：「小本经营，敬请堂食客人每人惠顾一款食品或饮品」，确实，依家搞间小店唔容易，都希望帮衬嘅人都识做，尽量配合下啦 ！ 蜂蜜豆腐蛋糕 $22 淡黄衬白，加片薄荷叶，外型清新爽朗，如女孩柔情似水。底层垫以海绵蛋糕，虽则薄薄一片，仍感受到松软有弹力 ；中层
因为「提早」食晚饭，过嚟「师妹甜品」都未够7:00pm，客人就只有我俩，正正连店主都啱啱准备开饭 。店内一室黑色为主调，装修简约，入门口右边喺饼柜及厨房，左边用餐部份大概容纳20人左右。
揭揭餐牌，好快就有心水，蜂蜜、豆腐、朱古力都喺老婆嘅喜好，小弟就乜都啱嘅，所以，毫无悬念之下就拣到心目中嘅选择 。餐牌上有段温馨提示：「小本经营，敬请堂食客人每人惠顾一款食品或饮品」，确实，依家搞间小店唔容易，都希望帮衬嘅人都识做，尽量配合下啦 ！
蜂蜜豆腐蛋糕 $22 淡黄衬白，加片薄荷叶，外型清新爽朗，如女孩柔情似水。底层垫以海绵蛋糕，虽则薄薄一片，仍感受到松软有弹力 ；中层喺豆腐慕丝，口感丝柔软滑，但略嫌豆腐味唔突出，有点隐约；反而上层嘅蜂蜜啫喱，渗出幽幽蜜香，令人感觉柔和 。
特浓朱古力榛子蛋糕 $25 先总结一句：「超推介」，单睇卖相，$25绝对收得抵，点抵？一层又一层，足足9层 （4层海绵蛋糕、4层朱古力慕丝、1层镜面朱古力），外型刚烈沉实，仲要层海绵蛋糕切到鬼咁薄，好考功夫 。而整件蛋糕朱古力味非常浓郁，又带有榛子味，面层嘅镜面朱古力做得平整幼滑，最画龙点睛嘅喺内里加入埋榛子粒 ，口感得以升多两级。伴碟嘅焦糖浆，岂非装饰咁简单，将蛋糕再沾少少焦糖浆，将浓郁香甜嘅味道再提升多一个层次，点可以唔超推介 。
两件蛋糕夹埋都只喺区区$47（晌市区出面食一件有质素嘅都要四十啦），就试到食材嘅配搭，店主嘅手势，创作嘅心思，再入嚟长洲嘅话，会再支持「师妹」啰 。
张贴
