魂 (已結業)

銅鑼灣魂拉麵，我以前食過，成日都有長長人龍。而家搬黎太子，地點方便左，地方闊落左添。同以往一樣，4款招牌拉麵依然有供應，而家仲有電子餐牌點餐添！太極拉麵（$99）墨魚汁同豚骨湯相間而成嘅太極拉麵，仲有叉燒、半隻玉子、蟹膏同陪添矜貴嘅金箔。湯頭依然同往昔一樣咁濃郁，食下食下，連湯底都飲晒添！青龍拉麵（$99）菠菜汁配豚骨湯，同樣有叉燒、半隻玉子、蟹肉同魚子醬，仲要六點後至供應，菠菜汁原來同豬骨拉麵幾夾，而且味道清新啲，係一個唔錯嘅搭配。拉麵軟硬度、濃淡度仲可以選擇添。