風月堂 (已結業)

開完會, 見仲有小小時間先去鳳皇, 就跟弟兄M他們來吃點甜品.第一次來這裡, 下面一層無位了, 要連上兩層. 地方其實都幾細, 窄窄長長的. 見外面有露台, 但係封住了, 當然, 無人想係鬧市食塵.五個人, 都坐得幾舒服, 尤其係坐係沙發位, 有點想睡的感覺.要了兩款甜品.芒果香蕉班戟卷$42: 8分, 共有六件班戟卷加上雲呢拿雪糕. 班戟皮薄薄的, 入面有芒果同香蕉, 不太甜, 係比較多忌廉, 少一點更好. 加上雲呢拿雪糕一齊食, 味道其實幾清新.綠茶芭菲$45: 6分, 兩球綠茶雪糕綠茶味好重, 有點點苦澀, 始終喜歡清一點的綠茶雪糕. 同樣地落得太多忌廉, 下面又有過強的薄荷味. 其實小弟好喜歡食芭菲, 心頭好當然係花之家. 這個綠茶芭菲, 只可以講係好一般.見姊妹W的薑茶係薑味四溢, 這裡的飲品應該都不錯. 始終風月堂都係我們的前期回憶, 近來真的比較少去. 但這次再來又覺得幾好, 或者下次再來吧.