倫哥火鍋私房菜 (已結業)

今日約咗2個friend行元朗，到了食晚飯時候，有人提議打邊爐，另一個friend想食日本野，我就想食中菜，結果商量一陣後，去了這間倫哥火鍋私房菜。未食火鍋前，侍應先來一碟麻醬豆腐，一碟涼拌雲耳，等我哋可以醒醒胃；跟住才上雞煲。經過8分鐘時間(4次翻炒)才可以食，雞肉好嫩滑入味，唔似係雪雞，可以追加任食。雞煲未食完，侍應再遞上花膠鮑魚同埋刺身。花膠同鮑魚都係預了3人的份量，真材實料，好味好食。刺身有大甜蝦，三文魚，帆立貝， 帶子 ... 等，好鮮味。食完雞煲，我哋要咗蕃茄薯仔湯底打邊爐(因為有人喉龍痛啱啱好番，要忍口唔食得辣)。今次火鍋嘅食物真係好豐富：海蝦，蟹，龍躉，蜆，魷魚，鯇魚，牛頸脊，墨魚滑，響玲，炸魚皮 .... 等等。除咗牛頸脊，其餘都係任食嘅。最後埋單時，原來仲有冰粉甜品送。總括今晚呢餐我哋都好滿意，亦會encore 。