壹火鍋

营业中

休息中

刺身，蒸氣鍋，打邊爐，三合一，結果係: 大滿足！今次可以話係我第一次食蒸氣鍋，估唔到呢啲既蒸氣鍋有甘豐富既海鮮！我最中意食係佢既蒸鱔，不過食時要小心魚骨。當然唔少得蒜蓉粉絲扇貝，蠔，鮑魚，泡菜青口，龍蝦，大蝦，連聖子都有！真係超豐富，蒸十分鐘左右就食得！蒸完啲海鮮精華會滴落下面沙鍋裏的蠔仔粥，成個粥即刻變得好鮮甜，好好味！食到甘上下可以加湯，黎個粥底火鍋。但今次我就想試下新野，加錢另外叫左個醉雞火鍋湯底，配料任叫，今餐真係任食唔嬲，好抵！我覺得抵讚既係個湯，唔係味精湯，真係好多藥材，照重本！估唔到啲雞係另上！我以為會先放落鍋煲，依家可以自己食到幾多就放幾多，份量勁多，有半隻雞份量，小小的鍋無可能一次過放哂，所以要逐d放。其實佢根本可以係配料，而不是湯底甘簡單，哈哈！雞肉都幾嫩，食得過！因為我地都吃得很飽了，所以火鍋配料也大概輕食。普通蔬菜，也叫了魚腩，尤魚，芝士丸，也是我的最愛，新鮮，絕對食得過！另外刺身我們不敢叫太多，會飽死，所以象徵式地點了少量，普通質素，新鮮就好，始終我的重點是蒸氣鍋，哈哈！絕對令人回味！