肉搏食堂 (已結業)

呢間平時主打食開燒肉 行過好多次一直都未有機會試 見到有侍應喺門口派傳單話佢哋有自選刺身丼飯 五款刺身連埋麵豉湯先係$70 見到餐廳入邊睇落都幾企理 價錢又合理 於是抱着一試嘅心態可能食開鐵火堂 相比之下呢度嘅刺身丼就真係好一般 嗌咗三款刺身魚 再加個吞拿魚茸 同埋海膽魷魚 廚房睇漏咗吞拿魚茸 反映之後佢另上一小碟魚茸俾我 不過魚茸嘅顏色係暗紅色嘅 食落鞋鞋地冇乜味 其餘嘅刺身都比較薄切 新鮮度不及一般連鎖日本餐廳 叫咗個油甘魚配柚子 點知係油甘魚上年比幾塊柚子皮你 柚子皮食落口係苦嘅 😅海膽魷魚都係冇乜海膽味 總括來講呢個價錢雖然唔貴 不過真係唔係太好食 想食刺身嘅話 尖沙咀會有更加多比較好嘅選擇