影片
更多
2020-09-27
614 浏览
#浜燒 #刺身丼上2星期同朋友去左澳門逸園中心19樓食完野，係lift見到18樓又係食日本野，我地唔會錯過再約黎食啦🤣🤣🤣🤣。漁獲浜燒亦都係好日式感覺！今次我地叫午餐，套餐可以選擇A+B各一款，即係主食+浜燒，仲跟埋沙律、玉子蛋同麵豉湯添！我就叫左叫左極上北海丼同燒鮑魚，朋友就叫左燒和牛薄燒丼同燒象拔蚌仔。 極上北海丼+鮑魚（$228）有甘蝦、蟹棒、紋甲魷魚同帶子，食材新鮮，甘蝦夠大隻，蟹棒鮮甜！大滿足！未燒之前侍應會比海鮮我地望望。鮑魚夠肥美，侍應燒鮑魚亦燒得剛好，簡單用清酒煮，肉質又甜又嫩了。和牛薄燒丼 + 象拔蚌仔（$196）一上枱就傳來好香既味道！朋友見到甘，比左一件我試🤣🤣🤣🤣！牛肉燒到岩岩好，包左大量蔥同芽菜，所以不會感覺油膩，仲好juicy！燒汁亦調得好好！食一件唔夠喉添！象拔蚌仔本身叫左韓國北寄貝，侍應話今日時令係象拔蚌仔2件，見到都好大隻所以轉左😍😍！燒完後，仍然大大隻，仲好鮮甜😍我地仲另外叫左乳酪梳打同巨峰梳打添
上2星期同朋友去左澳門逸園中心19樓食完野，係lift見到18樓又係食日本野，我地唔會錯過再約黎食啦🤣🤣🤣🤣。
漁獲浜燒亦都係好日式感覺！今次我地叫午餐，套餐可以選擇A+B各一款，即係主食+浜燒，仲跟埋沙律、玉子蛋同麵豉湯添！我就叫左叫左極上北海丼同燒鮑魚，朋友就叫左燒和牛薄燒丼同燒象拔蚌仔。
極上北海丼+鮑魚（$228）
有甘蝦、蟹棒、紋甲魷魚同帶子，食材新鮮，甘蝦夠大隻，蟹棒鮮甜！大滿足！
未燒之前侍應會比海鮮我地望望。
鮑魚夠肥美，侍應燒鮑魚亦燒得剛好，簡單用清酒煮，肉質又甜又嫩了。
和牛薄燒丼 + 象拔蚌仔（$196）
一上枱就傳來好香既味道！朋友見到甘，比左一件我試🤣🤣🤣🤣！牛肉燒到岩岩好，包左大量蔥同芽菜，所以不會感覺油膩，仲好juicy！燒汁亦調得好好！食一件唔夠喉添！
象拔蚌仔
本身叫左韓國北寄貝，侍應話今日時令係象拔蚌仔2件，見到都好大隻所以轉左😍😍！燒完後，仍然大大隻，仲好鮮甜😍
我地仲另外叫左乳酪梳打同巨峰梳打添
张贴
