影片
更多
2025-07-02
67 浏览
近排利東街新開咗間居酒屋🏮 主打各種特色日式酒類及佐酒小食 今次講唔停去試佢哋嘅正餐都好唔錯 好推薦大家去試吓👍🏻✔️板前炙燒日本牛扒 $268店員會喺我哋面前即場再炙燒 再淋上燒汁🔥 和牛鮮嫩多汁 外面又帶點焦香🤤 但係記住一定要快啲夾晒落碟先 因為佢個碟係好高溫 唔夾起咗先就有可能會Overcooked😬 伴碟嘅雜菌同埋茄子吸晒醬汁同埋油脂 好正😍✔️輕燒日本和牛 $176講唔停更加推薦呢個 一睇個紋路已經覺得好靚🤩 食落肉味濃 又軟嫩 個柚子醬油同時候又可以解膩 非常好食💯💯✔️牛油果八爪魚拌山葵醬油 $108呢個調味酸酸地好清新🌱牛油果質地軟滑 八爪魚切到薄薄一片所以唔會靭 前菜必點😚✔️厚炸沖繩島豆腐 $78呢個炸豆腐有驚喜 係真係外脆內軟 仲要係冇加炸粉嗰種😳 唯獨係覺得調味上淡咗啲 如果有啲醬可以點吓會更加好食😬✔️香蔥吞拿魚腩煙蘿蔔卷 $78吞拿魚蓉好多又新鮮 不過味道就比較單一🙈✔️日本和牛炒飯 $128呢個和牛炒飯都好出色🥹 炒飯乾身粒粒分明 而且加入咗好多蒜片 非常香口🤩🤩✔️海鹽雪糕拼炸沖繩紅芋球 $68呢個炸芋球好似煎堆咁 有一堆白芝麻喺出邊包住 新鮮炸起所以食落唔油 都
近排利東街新開咗間居酒屋🏮 主打各種特色日式酒類及佐酒小食 今次講唔停去試佢哋嘅正餐都好唔錯 好推薦大家去試吓👍🏻
✔️板前炙燒日本牛扒 $268
店員會喺我哋面前即場再炙燒 再淋上燒汁🔥 和牛鮮嫩多汁 外面又帶點焦香🤤 但係記住一定要快啲夾晒落碟先 因為佢個碟係好高溫 唔夾起咗先就有可能會Overcooked😬 伴碟嘅雜菌同埋茄子吸晒醬汁同埋油脂 好正😍
✔️輕燒日本和牛 $176
講唔停更加推薦呢個 一睇個紋路已經覺得好靚🤩 食落肉味濃 又軟嫩 個柚子醬油同時候又可以解膩 非常好食💯💯
✔️牛油果八爪魚拌山葵醬油 $108
呢個調味酸酸地好清新🌱牛油果質地軟滑 八爪魚切到薄薄一片所以唔會靭 前菜必點😚
✔️厚炸沖繩島豆腐 $78
呢個炸豆腐有驚喜 係真係外脆內軟 仲要係冇加炸粉嗰種😳 唯獨係覺得調味上淡咗啲 如果有啲醬可以點吓會更加好食😬
✔️香蔥吞拿魚腩煙蘿蔔卷 $78
吞拿魚蓉好多又新鮮 不過味道就比較單一🙈
✔️日本和牛炒飯 $128
呢個和牛炒飯都好出色🥹 炒飯乾身粒粒分明 而且加入咗好多蒜片 非常香口🤩🤩
✔️海鹽雪糕拼炸沖繩紅芋球 $68
呢個炸芋球好似煎堆咁 有一堆白芝麻喺出邊包住 新鮮炸起所以食落唔油 都唔錯😋
✔️荔枝乳酸梳打 $48
✔️藍色多瑙河梳打 $48
张贴
