首首.韓式小館 (已結業)

雖然話係韓式小館，但其實煮法都幾西式下，應該係fusion菜吧。韓國菜來講，呢間價錢唔係便宜，但確實菜式幾精緻，我哋兩個人叫咗烤手工製牛肉餅伴年糕配蜜糖醬油汁，仲有一個傳統韓式辣炒美國自然豬豬肉，當然佢送上一啲配菜例如辣蘿蔔泡菜等等，仲有一碗清湯。先講個牛肉餅，其實係較厚身既牛漢堡扒，不過幾香牛味，都好大舊，而且好好肉汁，會有d油膩，但食一啖牛加一啖年糕都幾過癮！另外個炒豬肉好惹味，佢係用美國嘅自然豬豬肉，浸左12個鐘頭醬汁，但佢辣得好香，都係平時食開韓式甜甜辣辣，佢會偏辣，但送飯真係一流！而且分量都唔少。裝修幾有心思，店員都好服務，坐得舒服。