影片
更多
2019-10-02
156 浏览
最近成日都經開灣仔，有次夜晚經過突然間俾佢嘅招牌吸引咗😳漆黑中螢火蟲咁，福川就咁將佢記著😊今晚終於就可以試下佢😋雖然呢度叫鐵板燒日本料理，但原來呢度分開咗兩個area： 鐵板燒&日式omakase，最後我地去食omakase ，比較少食😚😚呢度服務非常好，好似知道曬你想點，喺你想叫佢之前，佢已經做好了😆服務貼身之餘，但又唔覺得俾人望住，個距離感幾好😌前菜三小碟 - 水雲醋漬物 胡麻豆腐 南瓜凍湯個漬物酸酸地，又夠滑，做前菜開胃都好適合，胡麻豆腐顧名思義啦，就係有胡麻味，食起上嚟都幾amazing 唔知係點做到，而個豆腐質感比較堅挺，都方便夾上嚟食😙個南瓜凍湯真係好有南瓜味，而且啲南瓜蓉已經好完美融為一體，我就算對南瓜有保留，都好快飲哂一碗😉芝麻鯛刺身刺身上面師傅落咗檸檬汁，所以都唔駛點其他野，而個酸味同個魚味好夾，提升咗唔少魚味😉拖羅他他首先將魚蓉同柚子醬撈勻佢，然後再搽上去同多士一齊食，個吞拿魚味濃，配埋脆脆既多士一齊食，兩者比衡得好好~煙薰帶子呢個係好有西日fusion感覺，用黃椒醬做base，之後個面蕃茄沙沙，再將佢煙薰💨煙薰味突出，帶子再加黃椒醬，味道好新奇，又有甜又帶少少辛味
呢度服務非常好，好似知道曬你想點，喺你想叫佢之前，佢已經做好了😆服務貼身之餘，但又唔覺得俾人望住，個距離感幾好😌
前菜三小碟 - 水雲醋漬物 胡麻豆腐 南瓜凍湯
個漬物酸酸地，又夠滑，做前菜開胃都好適合，胡麻豆腐顧名思義啦，就係有胡麻味，食起上嚟都幾amazing 唔知係點做到，而個豆腐質感比較堅挺，都方便夾上嚟食😙個南瓜凍湯真係好有南瓜味，而且啲南瓜蓉已經好完美融為一體，我就算對南瓜有保留，都好快飲哂一碗😉
芝麻鯛刺身
刺身上面師傅落咗檸檬汁，所以都唔駛點其他野，而個酸味同個魚味好夾，提升咗唔少魚味😉
拖羅他他
首先將魚蓉同柚子醬撈勻佢，然後再搽上去同多士一齊食，個吞拿魚味濃，配埋脆脆既多士一齊食，兩者比衡得好好~
煙薰帶子
呢個係好有西日fusion感覺，用黃椒醬做base，之後個面蕃茄沙沙，再將佢煙薰💨煙薰味突出，帶子再加黃椒醬，味道好新奇，又有甜又帶少少辛味😳
煮物
呢個以佢自家制既蓮藕饅頭為主，餡皮以日本蓮藕搓成，入麵包住明太子，味道幾特別，不過塊皮比較散，要小心啲食
之後就開始食壽司了，首先講既係每件魚肉都好厚身，飯係比較少食得好滿足~~
池魚王：肉質較實，啲魚味越咬越出，可以慢慢享受
金目鯛：魚皮有🔥彈過，逼咗啲油香出嚟，啲魚肉嫩滑，各方面都好好
真名鏗：第一次食，味道甘甜而帶爽軟，真係大開眼界👀
之後就上燒物，鯖魚再加蛋黃醬同松子仁一齊烤，味道豐富，有蛋黃醬加上面都第一次食，呢樣都相信係店家自創fusion野😆😆
跟著又上番壽司😳
赤鱸魚：用火炙方法處理，燒入口即融咁濟，啲魚油同嚿飯二合為一，好夾好好味😋
赤貝：食得出好新鮮，又爽又甜
胡麻油甘：同一般油甘唔同，有淡淡麻醬香味，唔知係天生定後加🧐
熟成醬油拖羅：呢個係呢度嘅signature dish，上面加埋黃芥辣，第一啖食落去好似食緊牛肉咁，而跟著啲魚香已經喺口腔散曬出嚟，果然👍🏻👍🏻👍🏻
海膽飯：海膽同飯比例1.5:1度，海膽多到基本上海膽食到最後都有唔少咁濟，只能講一如以往咁清甜，而且顏色呈金黃色，mean好新鮮🤩🤩
到最後一道料理，鏗魚湯，真材實料，滿滿既魚既甜味，確實令人回味不少🤤
而甜品係夕張蜜瓜同香印提子，蜜瓜啲汁多到流曬出嚟，又甜又多汁，日本生果真係貴得有道理
最後多謝🙏🏻安師傅為我地準備呢個omakase同佢好詳細講解每一樣食物同煮法，呢餐好食之餘，仲學到唔少野🤓🤓
张贴
