Cubus 28 (已易手) 新餐厅

今晚好友同我補祝生日， 佢知我鍾意食中菜， 但淑女食中菜都要食得骨緻啲、優雅啲💁， 所以帶左我嚟呢間食新派中菜嘅餐廳。餐廳係某大廈28樓， 所以觀景非常開揚，環境甚有情調。我地試佢嘅Tasting Dinner Menu, 佢係新派中菜，揉合左中、西餐嘅高級食材，再用中菜多變刁轉嘅烹調方法， 做出你意想不到嘅美味😍😋。雖然係Tasting Menu， 但其實都幾多野食，頭盤我要左手撕法國鵪鶉拌海膽汁海蜇、湯品就點左花膠螺頭片波士頓龍蝦湯、主菜我點左黑牛油果川味辣子雞、另外仲有點心我就揀左竹炭甘荀汁黑毛豬咸水角。中菜味濃，所以最好配一杯紅酒。法國鵪鶉拌海膽汁海蜇，鵪鶉肉非常非常嫩滑，有一般手撕雞嗰種纖維感，掛滿海膽汁嘅海蜇好香好滑身，有啲似海膽意粉，所以成碟感覺都係滑溜溜咁，點晴嘅係旁邊拌碟嘅碎薄脆，混埋一齊食令菜式嘅口感層次豐富。波士頓濃蝦湯濃蝦味夠濃，加埋花膠螺頭片，好養顏，不過我覺得湯底太稠身，可以稀番少少。愛香口嘅我主菜就點左牛油果川味辣子雞，辣子雞夠辣好惹味，而且雞肉好嫩，加上我至愛嘅牛油果，令到整道菜都好濃郁，👍！朋友主菜點左松露海皇鮑汁燴米形粉，佢叫我試下，話個質感好得意。