影片
更多
2019-09-15
99 浏览
銅鑼灣去天后呢段路相信都行唔少次，但有冇發現呢間餐廳呢？一入到去碰巧遇上冷氣停電，店員好有心好有禮貌不斷講唔好意思，仲盡量安排我地去比較涼既位置，加分！因為對印尼野食真係唔多了解，佢地好認真咁為我地介紹，所以有咩唔明真係要問喔！印尼四大天王（$78）最上面既係酸木瓜沙律，酸酸甜甜好開胃，右邊係巴東牛肉，肉質有口感，冇渣，下面係雞，好細嫩唔肥，比坊間既海南雞高出很多的水準，最左就係我覺最精彩既香辣沙甸魚，濃茄微辣再加沙甸魚既質感味道，送飯一流👍 印尼花膠湯班蘭雞粉皮（$78）店員高推，心機之作，雞就唔詳細喇，粉皮真係要講講， 佢個質地有點似河粉，比河粉厚，唔索湯但配湯食完全一試就愛上，湯都唔簡單，係真真正正用花膠一齊煲既湯，湯中仲有一條大花膠，絕對係一條真花膠👍串燒分別嗌咗三款各三串，有雞肉牛肉同白鱔，白鱔係好出色，燒完之後入面都非常多肉汁之餘，非常厚實同彈牙，食得出鮮味，另外兩款都燒到剛好，配上沙嗲汁一流啊！珍多冰 （$28）淡奶配啫哩，同坊間最大分別係唔會死甜死甜，飲落好舒服😌柑桔青瓜冰（$28）超級清新！草青味被柑桔辟去，飲落青瓜味好足，用黎解濃味既菜色一流呀！
一入到去碰巧遇上冷氣停電，店員好有心好有禮貌不斷講唔好意思，仲盡量安排我地去比較涼既位置，加分！
因為對印尼野食真係唔多了解，佢地好認真咁為我地介紹，所以有咩唔明真係要問喔！
印尼四大天王（$78）
最上面既係酸木瓜沙律，酸酸甜甜好開胃，右邊係巴東牛肉，肉質有口感，冇渣，下面係雞，好細嫩唔肥，比坊間既海南雞高出很多的水準，最左就係我覺最精彩既香辣沙甸魚，濃茄微辣再加沙甸魚既質感味道，送飯一流👍
印尼花膠湯班蘭雞粉皮（$78）
店員高推，心機之作，雞就唔詳細喇，粉皮真係要講講， 佢個質地有點似河粉，比河粉厚，唔索湯但配湯食完全一試就愛上，湯都唔簡單，係真真正正用花膠一齊煲既湯，湯中仲有一條大花膠，絕對係一條真花膠👍
串燒分別嗌咗三款各三串，有雞肉牛肉同白鱔，白鱔係好出色，燒完之後入面都非常多肉汁之餘，非常厚實同彈牙，食得出鮮味，另外兩款都燒到剛好，配上沙嗲汁一流啊！
珍多冰 （$28）
淡奶配啫哩，同坊間最大分別係唔會死甜死甜，飲落好舒服😌
柑桔青瓜冰（$28）
超級清新！草青味被柑桔辟去，飲落青瓜味好足，用黎解濃味既菜色一流呀！
张贴
