影片
更多
2018-07-12
423 浏览
1935既意思原來係店主外婆既出生年份，呢到環境寧靜舒服，仲有bar枱可以飲野，完全唔似食中菜。而且最有心思既地方係所食既川菜菜式都有改良過，辣得黎又唔會好似出面咁落勁多辣油，好啱我口味。Two Headed Spear食野前先黎一杯cocktail，呢度有唔少特色既cocktail，好似呢杯咁就用咗茅台溝whisky，中西合璧。口水雞雞肉全部去晒骨食落啖啖肉，唔同一般既做法落大量辣油，食起上黎香辣刺激，但又唔會成口油。一口燻魚同傳統既燻魚有少少唔同，冇咁濃味之餘，仲係冇骨既，炸到好香脆但入面既魚肉仲好滑，加埋甜甜既醬汁，連唔鍾意食魚嘅我都覺得好正。硯池灌鴨個名就夠晒特別，其實即係鹽水鴨，同樣都係冇骨既，鴨肉嫩滑入味，亦都毫無油膩感。抄手同平時既紅油抄手有點唔同，冇落到辣油改用辣椒碎調味，為溫和既菜肉餡抄手增添辣度，同樣出色。金絲和田玉食左幾樣濃味既前菜，整返個清淡d既蔬菜清下味蕾先。擺盤賣相精緻，十足十一串串嘅提子，晶凝通透。冬瓜肉用咗雞湯同瑤柱熬製，味道清甜。川椒香辣軟殼蟹用上大量乾辣椒同香料，類似辣子雞既做法，換咗做軟殼蟹幾有新鮮感，食落香口又惹味，辣得過癮。宮保蝦球冇前一個軟殼
1935既意思原來係店主外婆既出生年份，呢到環境寧靜舒服，仲有bar枱可以飲野，完全唔似食中菜。而且最有心思既地方係所食既川菜菜式都有改良過，辣得黎又唔會好似出面咁落勁多辣油，好啱我口味。
Two Headed Spear
食野前先黎一杯cocktail，呢度有唔少特色既cocktail，好似呢杯咁就用咗茅台溝whisky，中西合璧。
口水雞雞肉全部去晒骨食落啖啖肉，唔同一般既做法落大量辣油，食起上黎香辣刺激，但又唔會成口油。
一口燻魚同傳統既燻魚有少少唔同，冇咁濃味之餘，仲係冇骨既，炸到好香脆但入面既魚肉仲好滑，加埋甜甜既醬汁，連唔鍾意食魚嘅我都覺得好正。
硯池灌鴨個名就夠晒特別，其實即係鹽水鴨，同樣都係冇骨既，鴨肉嫩滑入味，亦都毫無油膩感。
抄手同平時既紅油抄手有點唔同，冇落到辣油改用辣椒碎調味，為溫和既菜肉餡抄手增添辣度，同樣出色。
金絲和田玉食左幾樣濃味既前菜，整返個清淡d既蔬菜清下味蕾先。擺盤賣相精緻，十足十一串串嘅提子，晶凝通透。冬瓜肉用咗雞湯同瑤柱熬製，味道清甜。
川椒香辣軟殼蟹用上大量乾辣椒同香料，類似辣子雞既做法，換咗做軟殼蟹幾有新鮮感，食落香口又惹味，辣得過癮。
宮保蝦球冇前一個軟殼蟹咁辣，蝦球炸過再炒，蝦肉爽口彈牙。
酸辣土豆絲 呢款係我最鍾意食嘅川菜之一，土豆絲炒得非常爽脆，酸酸辣辣令人食唔停口。
乾煸四季豆炒得乾身夠鑊氣，四季豆清甜爽脆，肉碎濃香入味，如果配埋白飯拌食更加一流。
鮮果四川冰粉中間用士多啤梨切成既玫瑰花好靚，四川冰粉同涼粉既質感有d似，本身係冇咩味，所以配左糖漿、提子乾同山楂餅碎黎食，味道酸甜解辣，啱晒為呢個麻辣既晚餐畫上完美句號。
张贴
