一番風味 (已結業)

灣仔有間名叫一番風味有親戚食過覺得唔錯，所以就和同事放工後去食晚餐！！環境幾舒適, 掛左幾幅舊香港既相, 真係別有一番風味喎!決定食海鮮宴，叫左好幾款海鮮！！食完覺得真係幾好食，所以要推薦比大家試下！避風塘炒蟹。蒜香粒炒到非常香口乾身超級惹味！味道濃郁入味！肉蟹夠哂大隻，蟹蓋內既蟹膏藏左蓋內兩側，一定要記得食埋唔食就走寶啦！！蟹膏鮮味正呀！至於蟹鉗既肉非常緊緻！！好厚肉夠鮮味！黃金蝦一份有好多隻！！外層蝦咸蛋皇醬重重包圍！！睇見都勁想食連殼咬吸啜蝦頭！炸到好香脆可以食埋d殼！！蝦肉爽彈無比！實在太好食啦！！餐廳內有提供wifi~~環境唔錯幾乾淨！海鮮夠哂新鮮！大廚功價一流