豆花妹撈米線 (已結業)

下午去,星期6,預左人多,係陳記魚蛋對面街好易搵到,見到人多既就係佢排隊方面預左排長龍,但佢地出貨好快手,大約30-40人既人龍,5分鐘就排到我地~效率係非常之高,雖然3款米線只剩原味豆花撈米線,但招牌之作,仍然值得一試~叫左一碗15蚊豆花撈米線+$5一罐青檸汁~呢個配搭又唔錯喎~有108款配菜,每星期有4款,但唔係款款都好吸引~我對雞翼有興趣~可惜今日無,唯有等下一次吧~位置佳,人流旺,品質優~出貨快~街邊野最忌慢~我係普通食得辣既人~所以只係叫左普通辣佢開左大中小辣~我估計係用辣汁既份量黎分大細我呢碗有小小帶雲南風味麻辣醬~平時我係出邊食米線都食開乾撈既~食得出真係好地道~些少麻辣配上幾種配菜撈埋一齊~芫茜、醃菜、花生、蔥花、肉碎、豆腐干和辣醬真係一口接一口~幾乎1分鐘就秒殺左佢~豆腐花可以更加滑,嫌佢爭少少~而家凍凍地食少少辣個人真係暖返晒~夏天黎希望會有凍撈~咁就更佳~>_<真係後悔只係叫左一碗~唔講咁多~去相~