明閣 (香港康得思酒店)

一直都好期待，所以事前都有留意有咩好食。今日黎到呢度就試下佢個下午茶，諗住冇咁多人，冇咁迫嘛。原本聽聞呢間野專做熟客，服務本身對街外人嘛嘛，但今日黎呢度食，我就覺得冇講到咁差，正正常常啦。呢度D茶水都幾特別，平時去普通茶樓飲茶同朋友傾多陣計，d茶就凍晒。呢度提供左蠟燭燈加熱，令茶保持溫度，係幾好既體驗。▧ 茶壺松茸竹笙清湯湯用茶壺上，一開頭望到個陣，見有d渣係茶壺底，仲以為係一壺茶。一飲落先知原來係湯。個湯飲落真係好飲，清清甜甜。▧ 至尊蜜汁叉燒半肥瘦度都可以，食落多汁有蜜糖甜味。▧ 龍帶玉梨香帶子上面有D類似蝦滑既野，一口食晒唔錯。▧ 芹香馬蹄海蜇頭海蜇超爽，比一般街食既大好多， 同埋爽好多。▧ 松茸金菇蟲草花面頭有金箔，好豪華咁。味道上就係金菇味。整體個下午茶餐都係幾年一口小食，想同朋友傾下計而唔係在乎醫肚，係一個唔錯既選擇。