影片
更多
2016-05-03
840 浏览
溫野菜係同牛角、牛涮鍋同一集團的，但食過哂呢幾間之後，發現溫野菜係最得我歡心的！今次去到位於銅鑼灣2000年廣場新開既分店。Lunch set選擇都算多，由$78雞加豚肉既組合，到$238極上黑毛和牛既組合都有，唔太想食牛既關係就揀左最平既$78 set。預設既湯底係昆布湯，你係可以另加$10轉湯底的，我就轉左豆乳湯底，黎到已經忍唔住飲左一啖，可以飲得出冇點加過水，會有好濃豆香味同非常之滑。78蚊既套餐究竟會有幾好食？我可以話一定有驚喜，頭盤有薯仔伴魷魚沙律醬，薯皮帶少少脆口，薯仔肉煮得夠淋，輕輕調味加埋牛油香得黎唔會冇左薯仔既香味，至於配沙律醬魷魚我就覺得一般，略嫌太濃味同薯仔唔太夾。餐入面配有丹麥豚肉同雞肉，每碟肉上面都會有個小小既木牌話俾你聽係咩肉，唔怕撈亂之餘非常美觀。豚肉係豚腩肉，唔會有太多肥膏而且食落帶少少爽口，雞肉都唔錯，唔算好滑但至少一d都唔鞋。另外仲有溫野菜盤同竹筒免治雞肉，唔知係咪平時冇咩機會食免治雞肉，呢個成為左我既最愛，咬落帶有一粒粒爽脆既感覺，又唔會有雪藏味，一筒仔既份量岩岩好。另外仲可以揀飯同烏冬，我揀左烏冬，只需淥一陣就可以食，枱上面有麻醬同豉油俾你任加，
Lunch set選擇都算多，由$78雞加豚肉既組合，到$238極上黑毛和牛既組合都有，唔太想食牛既關係就揀左最平既$78 set。預設既湯底係昆布湯，你係可以另加$10轉湯底的，我就轉左豆乳湯底，黎到已經忍唔住飲左一啖，可以飲得出冇點加過水，會有好濃豆香味同非常之滑。
78蚊既套餐究竟會有幾好食？我可以話一定有驚喜，頭盤有薯仔伴魷魚沙律醬，薯皮帶少少脆口，薯仔肉煮得夠淋，輕輕調味加埋牛油香得黎唔會冇左薯仔既香味，至於配沙律醬魷魚我就覺得一般，略嫌太濃味同薯仔唔太夾。餐入面配有丹麥豚肉同雞肉，每碟肉上面都會有個小小既木牌話俾你聽係咩肉，唔怕撈亂之餘非常美觀。豚肉係豚腩肉，唔會有太多肥膏而且食落帶少少爽口，雞肉都唔錯，唔算好滑但至少一d都唔鞋。另外仲有溫野菜盤同竹筒免治雞肉，唔知係咪平時冇咩機會食免治雞肉，呢個成為左我既最愛，咬落帶有一粒粒爽脆既感覺，又唔會有雪藏味，一筒仔既份量岩岩好。
另外仲可以揀飯同烏冬，我揀左烏冬，只需淥一陣就可以食，枱上面有麻醬同豉油俾你任加，即刻加左好多分，哈哈。除左野飲之外最後仲會有一球雪糕做甜品，可揀抹茶同雲呢嗱味。
呢一餐賣單加埋一盛惠$96.7，絕對係品超所值，唔單只食品質素高，員工超好既服務態度都係令人冇得挑剔既，順帶一提如果冇訂位既可以用kabu app禁定飛就唔洗等咁耐！
张贴
