影片
更多
2022-07-02
2914 浏览
呢間壽喜燒真係久仰大名，聽講真係好難book，要5月1號book定6月食🙈我哋好好彩，佢安排咗房比我哋坐，相對會安靜啲，不過店員可能要保持返個上菜節奏，成日都會入嚟望吓我哋食成點，有少少壓力😂我哋就叫咗牛嘅Sukiyaki set (每位$880)，仲加咗$100要一份牛舌🤤首先會上前菜先，係蕃茄仔、枝豆、粟米同茄子配醬油啫喱，呢幾樣都係比較清新，屬於開胃嘅前菜～之後會上一個茶碗蒸，同我哋平時食開嘅茶碗蒸唔同，上面有啲芡，再加咗櫻花蝦，咬落去口感幾得意🤣去到進入牛嘅部份，首先係和牛刺身先～身為牛魔王，其實我未食過牛肉刺身😂第一次食覺得個口感有少少似赤身，但係肉味都幾濃，當然煮過就會更迫到油脂出嚟，但呢個加埋啲青瓜絲食，有清新但又好新鮮嘅感覺～終於都入戲肉喇🤤日本師傅會主理成個壽喜燒，今次選用嘅係近江牛，一放低已經見到佢啲油花好靚😍每人有四塊不同部位，每塊肉都會有專屬配搭嘅蔬菜😆師傅一路煮我哋就一路欣賞佢純熟嘅技術，灑糖落醬油，都有佢嘅黃金比例，我都覺得個汁調較得非常好，啲肉點埋蘭王蛋就更加軟滑😋每一塊和牛都食得出唔同口感，我自己比較鍾意第四塊，個肉質有彈性，油脂亦都非常平衡🤤牛舌亦都攝
我哋就叫咗牛嘅Sukiyaki set (每位$880)，仲加咗$100要一份牛舌🤤首先會上前菜先，係蕃茄仔、枝豆、粟米同茄子配醬油啫喱，呢幾樣都係比較清新，屬於開胃嘅前菜～
之後會上一個茶碗蒸，同我哋平時食開嘅茶碗蒸唔同，上面有啲芡，再加咗櫻花蝦，咬落去口感幾得意🤣
去到進入牛嘅部份，首先係和牛刺身先～身為牛魔王，其實我未食過牛肉刺身😂第一次食覺得個口感有少少似赤身，但係肉味都幾濃，當然煮過就會更迫到油脂出嚟，但呢個加埋啲青瓜絲食，有清新但又好新鮮嘅感覺～
終於都入戲肉喇🤤日本師傅會主理成個壽喜燒，今次選用嘅係近江牛，一放低已經見到佢啲油花好靚😍每人有四塊不同部位，每塊肉都會有專屬配搭嘅蔬菜😆
師傅一路煮我哋就一路欣賞佢純熟嘅技術，灑糖落醬油，都有佢嘅黃金比例，我都覺得個汁調較得非常好，啲肉點埋蘭王蛋就更加軟滑😋每一塊和牛都食得出唔同口感，我自己比較鍾意第四塊，個肉質有彈性，油脂亦都非常平衡🤤牛舌亦都攝咗喺第二同第三塊肉中間，唔韌但都有啲咬口，牛味濃，估唔到都幾match呢個汁～當中啲蔬菜配搭有部分我哋少接觸，例如春菊，睇得出師傅有精心嘅配搭，我最欣賞洋蔥同埋芋絲，索埋壽喜燒嘅汁真係非常好食😌
食完啲肉仲未完架，師傅仲會整一個和牛滑蛋飯，啲蛋同汁撈埋一齊，吸收咗啲牛味，啖啖飯都好香！😍
店員會再上一啲醃紫蘇葉、青瓜同蘿蔔比你清返油膩感～
之後再上埋湯，不過湯我哋就唔太識欣賞，陣味唔同平時飲開嘅麵豉湯，係有少少似藥油味😅可能係日本特色嘅湯，但真係飲唔慣🙈
最後就係甜品喇～因為我生日，所以甜品擺盤可以比我打卡🤣係芒果奶凍同埋密瓜，兩樣都好好味👍🏻
整體嚟講，我覺得個體驗都係開心☺️至少會感覺到師傅對食材處理嘅認真～當然有部分食材可能未必適合每個人嘅口味，但試多啲唔同嘅正宗菜式都係好難得的😌
张贴
