鮨亭 (已結業)

老远入屯门gathering,估唔到又俾我发掘到间好食既日式餐厅。哩间餐厅款式都几多，寿司、拉面、串烧、刺身，甚至比较少见既泡饭都有。日式泡饭都系第一次食。哩款甲罗烧蟹柳泡饭个汤底劲鲜甜，里面仲放左啲粟米同菇。珍珠米被汤浸泡后口感依然烟韧。蟹膏分量好多，唔洗悭住食，一啖饭一啖蟹膏，好满足😌。哩个叉烧拉面都唔错。汤底奶白色，汤面冇油层，味道浓郁，食得出冇用味精。拉面口感烟韧，中式叉烧肉质好淋，估唔到中式叉烧同日式拉面又几夹。哩到既寿司质素都好高，用料新鲜。甜虾同三文鱼口感弹牙。哩款馒鱼芝士虾卷大大件，馒鱼同虾肉烟韧弹牙，青瓜爽脆清新，口感非常丰富。金菇肥牛热辣辣，肥牛一啲都唔韧，酱汁浓，好惹味。吉列拼盘分别有蟹肉薯饼、紫薯栗子饼、猪扒同大虾。整体黎讲都炸得唔错，炸到金黄色，外皮好簿好脆但唔干身。