影片
更多
2021-05-05
244 浏览
唔知幾時先有得去旅行🎒，唯有周圍食唔同國家嘅美食，食左當去左，安慰一下自己。小編今日同朋友去左一間尼泊爾餐廳，嘗試幻想自己飛左一轉✈️，感受一下尼泊爾🇳🇵風情。香港食尼泊爾菜嘅餐廳唔多，上網睇返原來依間位於中環Soho嘅地道尼泊爾🇳🇵餐廳已經有25年歷史，相信無咁上下好食應該都唔可以屹立咁多年。尼泊爾菜味道比印度菜略微清淡，尼泊爾人好多時都係雜菜香料當一餐，大時大節先會有肉吃。依間餐廳主打提供尼泊爾皇室菜餚美食，小編唔怕無肉食。餐前免費薄餅Papadam香脆可口，上面有青瓜、紅蘿蔔、洋蔥粒，仲附上三款醬料，綠、橙、紅三色，小編較喜歡綠色醬，帶少少薄荷香又有少少辣🌶️，幾醒胃。❣️南瓜香菜湯(Pharsi-ko rash $62)，南瓜味濃，好creamy有好輕微嘅辣。❣️烤羊肉(Khasi-ko sekuwa $155) 唔太乾身少少靭，喜歡羶味剛剛好。❣️鮮茄自制芝士伴忌廉蜜糖(Paneer lali gurash $115)，小編最鍾意用依個醬沾薄餅，全部都係由鮮茄、忌廉、蜜糖煮成，沒有加添茄膏及茄汁，充滿濃郁新鮮蕃茄味道又唔酸。❣️香草飯🍚(Saffron rice $78) 飯粒粒分明，口
唔知幾時先有得去旅行🎒，唯有周圍食唔同國家嘅美食，食左當去左，安慰一下自己。小編今日同朋友去左一間尼泊爾餐廳，嘗試幻想自己飛左一轉✈️，感受一下尼泊爾🇳🇵風情。
香港食尼泊爾菜嘅餐廳唔多，上網睇返原來依間位於中環Soho嘅地道尼泊爾🇳🇵餐廳已經有25年歷史，相信無咁上下好食應該都唔可以屹立咁多年。尼泊爾菜味道比印度菜略微清淡，尼泊爾人好多時都係雜菜香料當一餐，大時大節先會有肉吃。依間餐廳主打提供尼泊爾皇室菜餚美食，小編唔怕無肉食。
餐前免費薄餅Papadam香脆可口，上面有青瓜、紅蘿蔔、洋蔥粒，仲附上三款醬料，綠、橙、紅三色，小編較喜歡綠色醬，帶少少薄荷香又有少少辣🌶️，幾醒胃。
❣️南瓜香菜湯(Pharsi-ko rash $62)，南瓜味濃，好creamy有好輕微嘅辣。
❣️烤羊肉(Khasi-ko sekuwa $155) 唔太乾身少少靭，喜歡羶味剛剛好。
❣️鮮茄自制芝士伴忌廉蜜糖(Paneer lali gurash $115)，小編最鍾意用依個醬沾薄餅，全部都係由鮮茄、忌廉、蜜糖煮成，沒有加添茄膏及茄汁，充滿濃郁新鮮蕃茄味道又唔酸。
❣️香草飯🍚(Saffron rice $78) 飯粒粒分明，口感有點像食緊碎米粉，跟平時屋企食嘅飯好唔同。
❣️杏香肉汁煮雞(Royal kukhura $148) ，初初還以為係咖哩雞，食落完全唔辣，雞肉都幾嫩滑(好似好押韻)。
❣️甜椒乳酪🍨(Shiarni $68)，表面有些開心果碎，唔辣有少少酸，飯後甜品可以消消滯。
現在逢星期一指定主菜買一送一，經Openrice訂位全單仲有8️⃣折! 飛唔到又想體驗尼泊爾🇳🇵風情，不妨試試。🥰
张贴
