莆田 (美麗華廣場2期) (已結業)

今日趁得閒就同奶奶黎到美麗華商場品嚐一下福建菜，聽講呢間係較為少油少鹽的一間食店，所以專登黎試下！！我地6點幾黎到入面已經坐滿左8成人客，等侍應執好張枱我地先入座。入到去坐低見到枱面上有個紅菇枱卡係到，好奇心驅使下拎左上手望望，原來佢e+既賣點係紅菇，所以我地都點左黎品嚐一下！！呢到既餐前小食係龍眼&花生🥜 好特別我地就係見到呢個紅菇卡座俾佢吸引左蝦苗伴頭水紫菜水紫菜入口酸酸甜甜，十分開胃！！酥炒芋芯芋芯外脆內軟，口感特別，入面咬落去粉粉的。雖然好食，但食得太多有點兒滯。輪到主角出場：紅菇燜豆皮呢個用既配料十分多，有主角紅菇、蟶子乾、蝦🦐乾、鹵豆腐、豆皮、乾貝......紅菇食落爽口，唔講唔知原來佢既營養價值都好高食完所有配菜，仲可以飲埋佢d湯，非常鮮味！莆田滷麵呢個岩晒我，煮得較為杰身，同埋麵質偏淋，本人最喜愛這樣配料方面有大蝦、蜆肉......無味精之下，相對較鮮甜及健康。百秒黃花魚聽講真係好似個菜式名咁，條魚係係一百秒內蒸好的同埋佢只放了薑片稍作去除腥味，就無再落其他調味了，食得出係好鮮甜美味的！食到好飽的一頓晚餐😬😬