九轉小腸幾特別，小編係第一次食啲類似咁嘅野。原來都係豬腸黎，但特別之處係佢由傳統「九摺式」穿套滷製而成。
口感好彈牙，好爽口，幾得意😆
個紫菜酸酸地咁，好冧，好開胃👍🏼
滷水豆腐係薄薄地類似腐皮咁，幾好食。
豬蹄凍滑得黎又彈牙，有少少辣醬，唔錯😬
紅菇湯又係小編未飲過嘅湯黎🤧
初嘗感覺幾好
佢好香菇味，唔會太濃，但感覺幾足料。
啲蟶子好大隻好新鮮，又有得食又有得飲
小編唔食芋頭，為左寫食評就食左一口
由於未食過所以對比唔倒，但食落個皮係好香口同脆，同埋感覺都幾新鮮。
同行朋友讚口不絕，覺得好好食仲食唔停，應該好啱鍾意食芋頭嘅人嘅口味😂
menu寫住呢個係經典福建菜，而且係鎮店之寶，點可以唔試！
佢啲扁肉嘅皮都係肉做嘅，食落有種魚皮餃咁嘅感覺～
雖然賣相唔係特別吸引，但食落就真係停唔到
雖然佢個皮同埋入面包住都係肉，但一啲都唔夠得肥膩同油。
成舊好有咬口，好好食，極推介
個湯個唔會咸，清清地幾好。
見呢度啲蟶子都幾靚，我地又叫埋呢隻煮法。
有驚喜，好少食呢種煮法，好香，蟶子都係新鮮肥美
佢係鐵板上，所以一路都keep住好熱，慢慢食都得
個魚好好食！！小編本身都鍾意食魚，對佢自然有啲期望～
果然冇令人失望！煮嘅時間啱啱好，一啲都唔老。
啲魚肉好滑好嫰，好新鮮，好有魚味，好正好正
個豆腐都好食，有啲煙薰味，同埋都幾實淨
個飯好香
小編都幾鍾意食炒飯呀燜飯之類嗰D。
呢個飯好濕潤，啲飯粒大細適中，唔會太冧。
雖然主打係紫菜同飯以至佢配料唔多，但一啲都唔會寡，已經夠哂好味
今餐好滿意，試左好多平時好少食倒嘅菜色，而且仲食到莆田市嘅名菜～
推介大家黎
