bong (已結業)

上一次嚟嘉里酒店，係去Red Sugar度飲嘢，覺得嗰度嘅景色好靚。於是，今次我就試吓book呢間bong。一入到門口，覺得個景色麻麻地，因為佢位於一樓，唔係好睇到個海景。餐廳人少少，氣氛都ok ge!我哋就點咗一個set B套餐，店員問我哋想要牛定係魚，當然係食熟成牛扒啦！店員線先上湯，湯上面有啲泡沫，飲落去好似發咗蛋嘅蛋汁食完一個好似畫作咁嘅沙律，我哋終於可以食到主角牛扒啦！枱上面有三種鹽、其他醬料俾我哋配牛肉，我就選擇左食佢嘅原味。牛味真係好重呀！肉質亦都好特別，乾乾地一絲絲咁，唔怪得要呢個價錢啦